咁樣睇真係幾似!
張繼聰(Louis)同謝安琪(Kay)雖然已結婚13年,但兩公婆依然恩愛到爆。昨晚(18日)Louis在社交網站分享兩公婆拍拖去做Gym的合照。
照片中可見,兩公婆戴上口罩,有心心眼的Kay小鳥依人的挨着老公膊頭,Louis的眼神就相當得戚,並留言:「最近約會嘅地點Gym。」當然,醉翁之意不在Gym,而是大放閃光彈!
不少網民都回應,「好sweet」、「好閃」、「俊男美女」等等,還有粉絲勁妒忌的說:「放開那個女神」、「點解要咁浪漫?點解要咁sweet? 」
不過,大部份人竟留言指Louis「真係勁似林宥嘉」、「以為林宥嘉」、「林宥嘉做乜攬住謝安琪?」、「以為林宥嘉換咗女人」、「佢愈來愈靚,你愈來愈...」,亦有人取笑以為Louis是木村拓哉、福山雅治、周柏豪甚至汪東城。