仔大女大各自玩 王敏德同老婆去公園放狗

又幾寫意！

王敏德(Michael)有份拍的TVB劇《飛虎之雷霆極戰》就快播完，不用忙於宣傳又未有工開，所以Michael這期都好得閒，但仔大女大有工作有拖拍大把東西玩，不會成日陪住她，好彩還有老婆。日前下晝，王氏夫婦去了數碼港公園放狗，男的負責湊狗，女的負責看住些東西，玩了個幾鐘就返歸。

王敏德係咁陪隻狗仔跑。

影完相，王敏德即畀作品老婆睇。

55歲王敏德有兩女一子，兩個女見報率都好高，日前二女王麗嘉(Irisa)出席活動，提到疫情下反而瘦了，還連上圍都縮了水，她說：「連媽媽（馬詩慧）都咁講，但我覺得仲可以細少少，一向都覺得太大。」

王敏德同隻狗玩波波，仲好開心咁同佢影相。

Janet見狗仔跑咗一輪就餵佢食零食。

其實Johnston屬於Irisa，兩主僕會一齊瞓。

這樣的話題見報率點會不高吖。之後Irisa透露聽日父親節會陪爸爸打Golf又會同姐弟夾錢送打Golf嘅專用手錶做父親節禮物。

王氏一家五口。

王敏德大女王曼喜（Kayla）及二女王麗嘉（Irisa）。

Michael係咁幫狗放電

當日下晝三點，王氏夫婦帶住Irisa隻法國鬥牛犬Johnston揸車去到數碼港公園，到達不久就遇到朋友，三人一狗在公園Hea了個幾鐘。王敏德主力陪隻狗跑、追住隻狗、拋波畀狗同埋幫隻狗影相，放電量極高，相信隻狗當晚應該好好瞓，王敏德應該都一樣。

Irisa近排好開心因為個胸細咗。

Hello Johnston，你好得意呀。

而王太就舒服點，因為她負責坐低看住些袋、餵狗狗食零食同埋看老公影狗狗後的作品，出汗量不高，可以除低口罩呼吸新鮮空氣，兩公婆都好滿足，留了個幾鐘就返屋企。

王敏德身手俐落有姿勢有實際！

為「永利呈獻：國際系列賽澳門站」預熱，型爸王敏德（Michael）昨日（3月13日）到澳門率先與一眾演藝界高爾夫球愛好者同場較勁，參加一場星光熠熠的「職業-業餘配對賽」。穿上一身修身運動服的Michael狀態大勇，展示出fit爆身形及矯健身手，被稱讚為男士的「天花板」！

型爸王敏德到澳門參加一場星光熠熠的「職業-業餘配對賽」。

穿上一身修身運動服的Michael狀態大勇！

Michael一向熱愛運動，不時於社交網站分享健身、攀石、踩單車的動態，難怪體魄可以時刻保持最佳狀態！不過眾多運動之中，高爾夫球始終是Michael的最愛，最近更榮升為澳門職業高爾夫球員協會的新任會長！昨日出席「永利呈獻：國際系列賽澳門站」「職業-業餘配對賽」，更預先到比賽場地熟習環境，作賽前熱身。賽事中Michael與英國高爾夫球星伊恩．保爾特（Ian Poulter）組隊，打出超水準表現！過程中有姿勢有實際，身手俐落揮動球桿，打出精準擊球。

眾多運動之中，高爾夫球始終是Michael的最愛。

被稱讚為男士的「天花板」。

同場比賽還有其他星級爸爸，休息時難免分享「湊仔經」。Michael表示：「要避免同仔女有『代溝』，透過共同興趣培養感情好重要。除咗睇戲之外，大家都好鍾意做運動，希望今年可以一家人去一次滑雪trip！另外，二女Irisa亦都非常鍾意打高爾夫球，下次有同類型比賽可能會帶埋佢，以父女檔上陣！」

過程中有姿勢有實際，身手俐落揮動球桿。

Michael另一個身份是執業機師，多年前曾駕駛直升機圍繞澳門上空，「當時澳門的一些大型酒店仍未落成，現已發展成旅遊熱點。未來計劃再次駕駛直升機在澳門的高空飛翔，最希望可以於夜間欣賞澳門璀璨夜景，同埋永利皇宮的燈光水舞秀。」

「永利呈獻：國際系列賽澳門站」將於3月14日至17日在澳門高爾夫球鄉村俱樂部舉行。目前，已有23名LIV 高爾夫聯盟球員確認參賽，包括美國大師賽冠軍派翠克·瑞德(Patrick Reed) 及其4Aces GC戰隊隊友帕特·佩雷茲(Pat Perez)，萊德杯傳奇人物塞吉歐·賈西亞(Sergio Garcia)、伊恩·保爾特(Ian Poulter)、格萊姆‧麥道威(Graeme McDowell)，2023賽季國際系列賽全數冠軍也都將出戰，成為國際系列賽歷史上參賽陣容最為鼎盛的一場。

賽事中Michael與英國高爾夫球星伊恩．保爾特組隊。

Michael一向熱愛運動。