*

「古醫生」愛不宣之於口 馬貫東:媽媽偷偷地睇我演出

愛在心裏口難開。

TVB劇集《那些我愛過的人》中,馬貫東飾演患有亞氏保加症的內科醫生古希晨,憑細膩演技獲得觀眾認同。

本網記者攝

對於同時演繹醫生兼病人角色,馬貫東透露事前做足功課,「最大幫助係有一本亞氏保加症醫生寫嘅一本書,我去閱讀呢本書了解佢嘅困難,因為患者嘅想法、溝通方式都好直接簡單,所以斷症都好快。呢套劇感情線比較多,同書文(連詩雅飾)關係最難拿捏,情感要好濃厚,但同時要表現出好淡嘅感覺,而俾觀眾睇到係愛,我自己真係要對鏡練習先得。」

《那些我愛過的人》劇照

《那些我愛過的人》劇照

現實中,馬貫東表示同家人愛人相處都是把愛放在心,而不說出口,「同屋企人好少開口話『我好愛你哋』,我哋一家人互相都感受到大家嘅關懷,不會宣之於口,同愛人關係亦一樣,偏去淡的方面,但我會整一啲小手作給另一半,例如手工銀包,主要係獨一無二。」

本網記者攝

本網記者攝

本網記者攝

劇集開播後反應不俗,馬貫東笑指家人有另類支持自己的方式,「佢哋會偷偷地睇,但唔會直接講俾我聽,我哋屋企有個group,我家姐send相話我知媽媽睇緊我嘅演出,但我媽從來沒有同我講,呢個都係一個幾得意嘅相處模式。其實我都feel 到佢哋開心,知道我終於有呢個演出機會。」