鄧竟成化身Youtuber 後憶述「反恐特勤隊」來源 又解畫國安法點解由港警執法

之前前警務處處長鄧竟成上咗工聯會九龍東辦事處總幹事鄧家彪（Bill）的Youtube節目「彪噏」，為警隊同事打氣，作爲自己榮升Youtuber的「見面禮」。為舊同袍打氣只係「前菜」，鄧sir今日終於分享對國安法、反恐、警民關係同埋青少年睇法嘅「正餐」。

鄧竟成同工聯會九龍東辦事處總幹事鄧家彪齊齊做Youtuber

首先，對於港區國安法，鄧sir認為訂立有迫切性。鄧sir話，香港社會暴力事件已經持續一年，而且暴力程度不斷升級，連現任警務處處長都話社會暴力事件已經出現恐怖主義苗頭，而且除了暴力事件升級，本港社會還有外部勢力不斷滲透，反對派又不斷出境向外部勢力搖尾乞憐。而2003年基本法第二十三條立法擱淺，鄧sir形容係「好唔好彩」，他認為現今香港社會環境和國際環境都發生巨大變化，中央親自出手訂立港區國安法，係希望香港盡快恢復穩定，令到經濟、民生、社會發展等方面可以重回正軌。

港區國安法的訂立，令坊間出現「國安法破壞香港普通法法制」、「國安法破壞『一國兩制』」以及「國安法破壞基本法」等言論。鄧sir話，若從國際層面睇，全世界任何國家、任何地區都係有國家安全法去保護自己嘅國家同國民，如果沒有國家安全法，香港有什麼法律可以從國家安全層面保護特區安全，保障香港經濟持續發展、社會持續穩定、市民安居樂業呢？如果有人認為港區國安法訂立對香港有負面影響，請「拿出證據」。鄧sir又話，從憲制責任上嚟講，香港都有責任自行訂立維護國家安全的法例，中央也已經俾咗香港二十幾年時間去訂立，但總係俾一些別有用心的人反對。

阿Bill在訪問中向鄧sir提出一個疑問：香港公務員在回歸後甚少處理國家安全問題。而現在傳聞港區國安法訂立後，會在香港警隊內部成立處理國家安全事務的特別部門，但特區政府呢二十幾年來都缺乏處理國安事務的經驗，因此在警隊內部成立特別部門是否能有效處理國安事務？

鄧sir解釋，如果真像傳聞中在警隊內部成立處理國安事務部門，此舉可以視為中央對特區政府的信任。而香港作為中國的一個特區，都要負起憲制責任，在防範、制止、懲治危害國家安全行為方面出一分力。雖然特區政府缺乏處理國家安全事務的實際經驗，但警隊針對諸多犯罪行為有豐富的前期調查、情報搜集等經驗，相信可以應付防範、制止、懲治危害國家安全行為。

話說鄧sir在退休前推動成立咗香港首支「反恐特勤隊」，由現時香港社會形勢看來，鄧sir當年呢個舉動完全有先見之明。鄧sir話，當年成立「反恐特勤隊」時都聽到好多質疑甚至反對的聲音。他回憶，有一次出席立法會申請撥款成立「反恐特勤隊」，當時有議員質疑香港的社會環境是否有成立反恐部隊的迫切性，他當時回應成立「反恐特勤隊」係「長遠策略部署」，因為反恐部隊唔係一講就可以成立，而係需要招募人手、購置裝備、訓練隊員等，需要因應社會今後可能出現的恐怖主義危機率先部署，未雨綢繆。

鄧sir仲話，當年係由反恐工作、科技罪案及資金調查三方面作部署，三者環環相扣，在如今國際恐怖主義陰霾還未散去的情況下，希望特區政府能好好利用這支專業部隊，維護國家安全。阿Bill聽完鄧sir嘅說話都讚佢好有遠見，十年前已經「埋下種子」。鄧sir話，運籌帷幄，才能決勝千里。

在節目中阿Bill感慨好多青年人因暴力活動被捕，當中四分之一係未成年人。鄧sir對此也十分痛心，他說，年輕人是社會未來主人翁，他們的存在、成長和發展對香港十分重要。如果年輕人不小心行差踏錯，要及時懸崖勒馬，凡事三思而後行，多思考所做事情的對錯與意義。鄧sir還忠告青少年，用眼睇事情，用耳聽事情嘅時候，不要睇完、聽完就算，而係要先透過腦筋思考自己所做的事情對家庭、對社會、對國家有什麼影響，然後再付諸行動。他還希望年輕人能多做正能量的事，讓香港可以繼續向前走。

Sebastian

** 博客文章文責自負,不代表本公司立場 **

旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。

Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。

「旅遊義工」Agnes退休前任職跨國公司管理層。

退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。

收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。

因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。

Agnes話，每當想起這段回憶，自己能夠幫老人家完成心願，好有滿足感。

退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。

由新加坡回流香港發展的Marco，透過參與「旅遊義工」計劃重新認識香港。

Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。

由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。

做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。

最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。

各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。