港媽陪阿仔打機被嫌蠢 自覺不及丈夫呻失敗

阿仔更叫她「肥婆」，令她覺得不受尊重。

為人父母不介意為了家庭而辛苦工作，卻很介意被子女嫌棄及抱怨。一名育有兩子的港媽日前在網上討論區發文指， 在全家人一起打機途中，自己不但被兒子侮辱她「蠢」，更以「肥婆」稱呼她，因此感到自己不受尊重，並自覺不及丈夫見多識廣，又直言「我冇諗過我咁用心湊大佢哋，到頭來換來嘅係佢哋咁嘅態度......」

設計圖片

該名母親在上周日（21日）的父親節，在網上討論區「親子王國」以「父親節落淚」為題發文指，自己育有2名兒子，分別就讀小學三年級和幼稚園高班。早前在停課期間，其丈夫特意購買Switch遊戲機及幾款遊戲，打算一家人一起玩。然而，她直言，「一向都冇咩興趣打機，亦唔叻」，因此在玩遊戲時，不斷被兩名兒子埋怨她拖累進度，以及「話我蠢」。該名母親指，當時已立即指正兒子，並強調「一家人一齊玩game唔係為咗勝利，唔可以對媽咪冇禮貌」，惟兩名兒子卻未見改善。

她又指，兩名兒子平日亦會取笑她，更以「肥婆」稱呼她，並指雖然她與丈夫亦已分別指責兒子，並指「咁樣講唔尊重媽媽，好冇禮貌」，但兒子仍然態度照舊。她續指，自感能力不及丈夫，並指「我冇爸爸咁叻，游水，踏單車，駕車，拉小提琴我都唔識」，又指自己雖是大學畢業，而且工作「算係專業」，並指在下班後亦盡心照顧兒子。她直言，「我開始感到佢哋睇小我，我好難過，我冇諗過我咁用心湊大佢哋，教佢哋讀書，到頭來換來嘅係佢哋咁嘅態度......」，又指「我真係唔識教仔，我好失敗」。

她其後亦提及自己在父親節落淚的原因，並指當日外出慶祝後，丈夫先行離開取車，並交代車輛停泊位置。然而，由於她誤解丈夫的意思導致與兒子走錯路，大兒子隨即態度惡劣地埋怨她「連方向都唔識」，最終令她不禁在上車後哭泣。

不少家長則留言安慰指，「佢哋仲細，長大會感恩有你」、「你要學識放低！唔識打機咪等佢地自己玩囉」、「唔好難過，相信佢哋可能係有樣學樣」。另有家長建議「或者叫爸爸喺仔面前讚下你，慢慢佢哋會識欣賞你叻嘅地方！」、「你要俾啲嚴肅態度佢睇，唔好理佢」，亦有家長直言「你哋依家唔教，將來佢哋得罪人多，自招惡果」、「唔可以縱容佢哋，要好好教育學識專重！」、「其實你同你老公都有責任，當講第一次嘅時候就要制止」等。

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

示意圖片

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

示意圖片

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

示意圖片

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

示意圖片

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。

示意圖片

帖文來源：連登討論區