MIRROR新歌MV被指經理人偏心 姜濤話都係為咗效果

原來呢個備受爭議既MV仲有第二個版本。

相隔7個月，男子組合MIRROR終於推出新作《IGNITED》，不過，「Too Hot To Handle Version」MV被網民認為經理人兼MV導演花姐大細超，偏心愛將姜濤、Ian和Anson Lo到出面。喺花姐點名下，被指係陪襯品之一嘅Alton向《頭條日報》獨家拆解：「我就係特登唔回應，因為即將有第二個版本，咁樣反彈會好大。」

其實MV拍攝當日共拍兩個版本，圖中新Version每個成員都有Solo。

MIRROR再出新歌《IGNITED》，但被指似「小組歌」，唔係個個有得發揮。

花姐出心出力為MIRROR，但Fans總有意見。正如新歌《IGNITED》被轟歌詞露骨，不符合MIRROR陽光形象；又指MV的鏡頭分配唔平均，Edan、Alton、Tiger、Frankie及Lokman幾乎冇影！

姜濤幾時都係主角，新歌MV由頭帶到尾。

Alton喺新Version終於有影，歌迷唔使失望。

隊長Lokman及Anson Kong奉命出嚟解說，隊長說：「因為一首歌要分畀12個人真係唔容易嘅，同埋大家嘅風格都唔同。至於歌詞是不是好露骨？每人get到的意思都不同，就會有好多不同幻想。」而由頭帶到尾，做晒主角的姜濤唔敢插嘴，被追問才輕描淡寫說：「都係為咗效果，冇諗過邊個多，邊個少，而且排舞時間都好緊逼，大家冇咁嘅時間去多諗。(要唔要安慰吓隊友？)不嬲都唔會有呢個擔心，因為我哋出道兩年，一直都有呢啲問題，但係我哋都慣咗，唔覺得會傷害彼此感情。」

「Too Hot To Handle Version」MV 由姜濤帶頭唱第一句。

拍MV當日順道幫Ian賀壽。

勸Fans勿鼓譟

Edan及Alton被花姐點名向記者解答誤會，前者面紅耳赤，耍手擰頭說：「冇冇冇難受！可能唱少啲，但跳舞會多返啲，而且有另一個Version，會相輔相成嘅。明白歌迷都係好擔心我哋，或者叫乜嘢心切？」AK搶答：「愛之深，責之切。」

MIRROR成員Ian、Jer、Jeremy、Anson Lo、Edan、Alton及Tiger有份拍ViuTV電視劇《男排女將》。

Alton、隊長Lokman及Edan被花姐點名向記者解答誤會。

Edan愈講愈亂：「唔係呢個，算喇！唔好拋書包，佢哋好緊張我哋，原意都為我哋好，但唔使太擔心，因為會有另一個Version。」相對Alton輕鬆回應：「今次幾鍾意個MV，因為拍攝時花姐提我哋要開心啲！甚至推我出去，話要Alton嗰個樣呀，因為我個人好善良，就係好kind咁嘅樣囉！」

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。