無關心前夫與姚子羚 蔡宛珊拒參加富二代船P

Sarika強調出海純粹做運動，而非釣金龜！

前夫Raymond曾經同姚子羚拍拖惹來後者食人夫疑雲、擁32D、24、34火辣身材的蔡宛珊（Sarika）不時出海，更在社交網站大晒三點式泳衣照，網民當然讚Good。雖然同Raymond正在分居，但Sarika不愁無市場，她更自爆有好多人邀她去船P，但她一概Say No：「我純粹出海做運動，唔係釣金龜！」

蔡宛珊有32D、24、34火辣身材，所以唔怕Show出嚟。

Sarika每周勤做四次運動，亦會留意飲食：「為咗夏天要出海騷吓啲泳衣，我斷食16小時嚟Keep Fit，每晚八點收工後先開始食嘢，主持ViuTV飲食節目《今晚趁熱食》時，同事話我升咗仙咁，冇計啦，要有取捨，其實我好為食，每周會打兩次邊爐，嚟緊好多生日飯，留返限額食鍾意嘅嘢，唯有平日乖啲忍吓口。」

蔡宛珊好鍾意去健身室做運動，每周至少去4次。

跟女神陳嘉倩合作主持ViuTV飲食節目《今晚趁熱食》，日日開廠好忙。

Sarika好鍾意出海，曾瘋狂地每周出海兩次：「曬到一身健康膚色，個個以為我係游泳健將，其實我唔識游水，只係唔驚死，就算攬住條浮條都敢跳落海，着住救生衣就玩滑水。」

最近蔡宛珊愛上滑水，經常約朋友出海。

提到馮盈盈參加船P被指釣金龜，而船P亦被標籤為結識公子哥兒的踏板， Sarika即Say No：「我只會參加合家歡嘅船P，來來去去都係同有家室嘅契哥及相熟朋友出海，全部都一家大細出發。」Sarika強調唔會上唔識嘅人嘅遊艇，「我知有啲人好鍾意個個都叫吓，叫到一大班人一齊玩，我就好避忌呢啲，始終唔知咩人，又唔知點玩，有好多時叫你飲酒。」

蔡宛珊強調出海唔係為咗釣金龜，搵男友唔使要有錢，最緊要價值觀相近。

Sarika更重申鍾意出海係是因為想去游水、滑水及曬太陽，「家我只會約埋三五知己，直接喺深灣碼頭上滑水船去海中心輪流滑水，滑完就走，連遊艇都唔使上。」

蔡宛珊為著泳裝好睇，堅持努力做運動。

着住泳衣嘅蔡宛珊冇避忌，晒身同狗狗玩。

問到拒絕參與識朋友活動會否失去好多黃金機會？Sarika說：「我冇咁嘅福份識到公子哥兒，家又唔係刻意唔拍拖，分居冇留低陰影，只係暫時未遇到啱，我永遠都相信愛情，亦好清楚自己想要啲乜，唔會亂咁試，擇偶條件係要孝順父母，專一同錫我，最緊要係鍾意做運動。」

Sarika經常跟老闆林盛斌一齊做活動司儀，兩人仲會合唱娛賓。

Sarika坦言同前夫Raymond好少聯絡，但大時大節都會互相問候，但無關心他有否與姚子羚復合：「最重要係佢開心同健康，私人嘢留返空間畀佢。事件過後我都冇同姚子羚聯絡，我好忙，好少睇電視，冇睇過佢啲戲，有時間都睇返係自己個台嘅戲啦！」

跟Raymond仲有兩年先完成分居期，但兩人大時大節都會互相問好。

蔡宛珊冇過問前夫感情生活，包括是否同姚子羚復合。

姚子羚偏瘦，蔡宛珊建議她改善飲食習慣。

此外，考獲健身牌的Sarika還會每周教朋友做街頭健身，有指「情敵」姚子羚過瘦，問她會否幫子羚增肥？她即婉拒：「我知佢食素，可能佢喺飲食方面要改善，OK㗎啦！佢都keep得好好，唔使我教佢啦！」

蔡宛珊雙腿因每日長時間在不平山路上上落落、不時又要在溪澗浸水，最終右腳舊患近腳眼位置再度發炎並潰爛！

蔡宛珊（Sarika）近年參與了Viu不少真人騷，當中包括《公司冇逼我跑馬拉松》，以及近日熱播的電視節目《適者生存》。Sarika於《適者生存》節目內與米露迪和蔡寶欣，以及幾位台灣女嘉賓齊齊擔任主持，在野外求生自給自足，但亦因而令腳患復發，Sarika腳眼腫脹如「豬蹄」仍咬緊牙關完成拍攝，因為Sarika希望透過節目，令大家更加珍惜大自然，珍惜世界。

蔡宛珊（Sarika）有份主持ViuTV節目《適者生存》。

Sarika需要與其他女主持在野外求生自給自足。

每日在野外尋找食物。

去年Sarika曾參與電視節目《公司冇逼我跑馬拉松》，平日甚少跑步的Sarika為求盡善盡美，自己加緊練習，一星期跑足六日，每次跑夠6-8公里才收手，更一度嚴重拗柴，負傷一瘸一拐完成十公里的熱身賽，唯賽後發現腿部有三條韌帶斷掉，在醫生勸喻後被迫退出。不久，Sarika被邀拍真人騷《適者生存》與幾位女主持出征台灣，Sarika未有因腳傷被嚇怕，說：「聽完覺幾有挑戰性，野外求生，上山落溪澗好似幾好玩，係到現場先知唔係想像中簡單！」

但亦因而令腳患復發。

Sarika腳眼腫脹如「豬蹄」。

Sarika腳眼腫脹如「豬蹄」。

仍咬緊牙關完成拍攝。

整個拍攝，Sarika需要與其他女主持在森林留宿，每日在野外尋找食物，本身傷患未完全康復的Sarika，雙腿因每日長時間在不平山路上上落落、不時又要在溪澗浸水，最終右腳舊患近腳眼位置再度發炎並潰爛，腫如「豬蹄」。但為免雙腳為免影響拍攝，Sarika咬緊牙關堅持落去，不過部分項目如捕魚等就未能參與，Sarika說：「最初都擔心自己好似幫唔到手，好彩後來激發咗我另一潛能，成為隊中生火專家，唔使半小時成功轉木取火。」除此之外，Sarika好難忘拍攝途中遇上惡劣天氣，距離生死一線之隔，相信觀眾亦能在螢光幕感受大自然的威力。

Sarika難忘拍攝途中遇上惡劣天氣，距離生死一線之隔。

Sarika還成為隊中生火專家。

現時節目《適者生存》播放如火如荼，而Sarika回顧過去入行十多年，一直擁有多重身份，身兼模特兒、主持、司儀多職，感恩一直以來公司，客戶的愛護，給予機會最近可以密密拍綜藝，而好學不倦的Sarika，原來在疫情下積極裝備自己，笑言自己怕考試，仍然在期間考獲健身教練、拉筋教練、人生教練等執照，更獲得電單車牌，變身電單車手，務求不停增值自己、不讓自己停滯不前，以裝備好自己準備迎接任何機會。

Sarika積極裝備自己。