娛圈事
一班美女派福利。
夏日炎炎，近排一眾女星紛紛於社交網晒水着照，昨日連詩雅（Shiga）就同一班好姊妹遊船河，事後仲將大合照Po上IG，當中前商台DJ細So的前妻張詠妍（阿Wing）亦有出海，原來大家是為阿Wing慶生，Shiga留言：「今年的下水禮，為我們的索媽而舉行 @wingsouth Happy Birthday my dear 繼續開心」
Shiga的IG Story仍有轉載跟好友的合照。
Shiga昨晚貼出5女水着照，但今日無啦啦刪Po。
相中，幾個女仔都着晒比堅尼晒腰晒腿又晒事業線，比較之下，穿白色泳衣外笠一件通花背心的Shiga就遜色得多，事關她上身包實晒，仲要匿喺阿Wing後面，連22吋小蠻腰都冇得睇，僅露出一雙40吋招牌長腿，難怪一眾網民焦點都落在阿Wing身上！
Shiga副身材又唔係冇見過，做乜忽然包到咁實？
網上圖片
不過唔知係咪俾老友投訴？抑或乜嘢原因呢？今日Shiga忽然Delete咗原Po，只留下IG Story中跟阿Wing及另一女友人合照。
Shiga：「繼續互相包容，互相愛護，一齊成長。」
連詩雅（Shiga）今日（4月24日）在IG貼上與陳家樂的中、西式婚照和短片，慶祝二人結婚一周年（紙婚）。
連詩雅（Shiga）與陳家樂在去年4月24日舉行婚禮。
今日（4月24日）適逢兩人結婚一周年。
Shiga發表愛的告白：「A year ago today，眨吓眼就過咗一年，好似係尋日嘅事，緊張咗一整日，事前好多嘅功夫，但係望返轉頭，覺得係個一世都會記得嘅回憶。轉下眼我哋將踏入另外一個身份，希望一切都順利，一家人開開心心，身體健康，繼續互相包容，互相愛護，一齊成長」！
襯到爆！
兩人在2020年被爆因合作拍攝TVB旅遊節目《12個夏天》而擦出愛火。
2022年6月陳家樂向連詩雅求婚成功，地下情亦終於修成正果，兩人去年4月正式拉埋天窗！
Shiga與家樂於今年元宵節宣布造人成功，現已懷有6個月身孕的詩雅，仍然繼續工作。早前Shiga曾在IG公開「返工mode」同「放工mode」的近照，見她手腳依然纖幼，完全是肥胎唔肥人！
今年2月更宣布造人成功。
最美孕婦！
