無綫「新約」加辣肯唔肯簽？
陳豪（Mo）與李佳芯（Ali）出席新劇《殺手》宣傳活動，穿緊身恤衫的阿Mo化身爆肌咖啡師，不時做健美先生式嘅騷肌動作好好笑，他笑言：「只要大家開心，犧牲少少有乜所謂！」
陳豪今日表現好High，好好笑。
陳豪係咁擺健美先生Pose。
阿Mo表示拍畢《誇世代》後養成健身習慣，但身形久不久「翻漲」，所以更會注意飲食，他又自言「守身如玉」，但因女藝人不肯脫便由他頂上。提到日前與家人到沙灘玩水，見太太陳茵媺包到冚，他笑言沒有不准太太穿泳衣，因為大家都忙湊小朋友，最重要是着得舒服。
陳豪今日表現好High，好好笑。
講到阿Mo晒肌上陣，拍檔Ali自言不是行脫的路線，阿Mo即笑說「我也不是呀」更即時「震波」，Ali即笑指自己連除衫都冇嘢睇。二人都表示喜歡看《殺手》，Ali更興奮表示劇集改變了朋友嘅習慣，由唔睇劇變成追劇。而阿Mo自爆待小朋友睡覺後再爬起身睇，笑言因不懂得如何向小朋友解析何謂殺手。
陳豪一家去游水，對於老婆着得好密實佢話老婆要湊仔。
有指無綫新約將「加辣」，若藝人因個人行為及言論造成損失，將由藝人一力承擔後果。Ali對此表示不知情，問續約若「加辣」會肯簽嗎？她說：「續約再算，我份約未有耐。（可會加在現有合約上？）冇聽過。」
