加油啊！
入行10年的馬貫東，最近在劇集《那些我愛過的人》終於有機會升呢第二男主角，但因戲份重令他緊張外，角色「古希晨」有亞氏保加症（自閉症一種）又是個醫生，使他要花更多時間做事前準備。對於自16年憑《愛·回家之八時入席》「十仔」一角獲提名「飛躍進步男藝員」後，演出機會愈來愈多，阿東對於受重視感到很大鼓勵，會繼續努力做個好演員。
點擊看圖輯
劇中阿東演醫生「古希晨」，事前要花不少時間背專業名詞。
為了演活「古希晨」，阿東事前下了不少苦功，他接受《頭條日報》獨家訪問時透露，「監製安排咗我同幾個亞氏保加症患者見面，我帶佢哋參觀電視城，同佢哋食飯，又同佢哋傾咗好多嘢，對呢個病了解多咗，又睇好多書了解呢種病，希望做出嚟效果神似，最重要係唔好令人對呢個病有誤解。另外，演醫生都要背好多專業名詞，呢方面都唔容易㗎！」
阿東17年憑《愛·回家之開心速遞》「秦博思」獲提名「最佳男配角」。
阿東07年參加藝員訓練班入行，他一直只想做過好演員而非明星。
阿東跟連詩雅在劇中首次演夫妻，由於他有亞氏保加症不擅與人溝通鬧出不少問題。
劇中阿東演醫生「古希晨」，事前要花不少時間背專業名詞。
為了演活「古希晨」，阿東事前下了不少苦功，他接受《頭條日報》獨家訪問時透露，「監製安排咗我同幾個亞氏保加症患者見面，我帶佢哋參觀電視城，同佢哋食飯，又同佢哋傾咗好多嘢，對呢個病了解多咗，又睇好多書了解呢種病，希望做出嚟效果神似，最重要係唔好令人對呢個病有誤解。另外，演醫生都要背好多專業名詞，呢方面都唔容易㗎！」
馬貫東今次在《那些我愛過的人》升呢第二男主角，他坦承獲得鼓勵會朝好演員方向努力。
未合作前，阿東有點驚林文龍，但合作後當然改觀。
一切由「十仔」而來
劇中阿東跟連詩雅首演夫妻，他雖然跟「老婆」首度合作，但過程相當愉快，「佢雖然成日話自己拍劇經驗少，但係佢演戲經驗好多，所以好容易夾得嚟，唔會好難溝通。」反而初次跟前輩林文龍合作，令阿東十分緊張，「我哋之前完全冇合作過，感覺佢好嚴肅，見到面覺得佢氣場好勁，但相處落其實佢好講得笑，又會好配合後輩，係個好好嘅前輩。」
因合作《那些我愛過的人》，阿東跟黃翠如、連詩雅和陳自瑤成為好友。
阿東17年憑《愛·回家之開心速遞》「秦博思」獲提名「最佳男配角」。
阿東07年參加藝員訓練班入行，他一直只想做過好演員而非明星。
阿東16年憑《愛·回家之八時入席》「十仔」一角獲提名「飛躍進步男藝員」後，之後再憑《愛·回家之開心速遞》「秦博思」提名「最佳男配角」，令演出機會愈來愈多，他坦承確實是很大鼓勵，「其實由《鐵馬戰車》嘅『揚明』，到《愛·回家》嘅『十仔』都好多謝觀眾嘅喜愛，特別係『十仔』真係帶畀我好多得着，開始多人認識咗，亦都多咗機會，呢啲係好正面嘅鼓勵，我會努力向住做個好演員去行。」
羅天宇突破真我首演兇狠奸角！
由葉鎮輝（阿細）及權香蘭擔任監製、蔡婷婷、馮日進擔任編審的《旁觀者》，今（26日）晚九點半翡翠台播映大結局。踏入結局篇的《旁觀者》，大部分集數均以主角視角展開故事，洋蔥式揭開每件真相的同時，亦望觀眾看到每個主角的心路歷程變化。
羅天宇與連詩雅呢個組合幾有新鮮感。
連詩雅顏值獲讚，望落又真係好gfable。
羅天宇劇入面成日「變臉」，佢都花咗好多功夫去演呢個同自己真實性格完全相反嘅角色。
呢場掟嘢戲，天宇話佢拍嗰時其實好緊張。
劇入面嘅「幸福」畫面，令天宇角色更加令人心寒。
昨晚（25日）劇情相當驚爆，雖然浚祈（羅天宇飾）「黑鼠尾草殺手」身份早已外露，但令人意外的是，從頭到尾都對柏妍（連詩雅飾）癡心一片的他，在練采文（吳若希飾）操控及自己心魔驅使下，不但洗柏妍腦令其以為自己有份參與殺人，更於柏妍驚揭真相後逃走期間將佢殺害，並自欺欺人柏妍被殺全因對被毒打陌生女子「見死不救」。最終阿魚（王敏奕飾）忍痛踢爆一切只是浚祈幻覺，柏妍被殺當晚現場一直沒有第三及第四者，由始至終被虐者及施虐者只有柏妍及浚祈…當真相被揭後，羅天宇即時崩潰並選擇自殺贖罪，羅天宇的激動表情及眼神，配以王敏奕痛心疾首的眼淚，及柏妍死得無比冤枉的劇情，整段戲心寒度爆燈。
天宇成功演繹出清純男孩與走火入魔壓抑男嘅分別。
連詩雅呢個跌膊居家Look引發熱議。
羅天宇呢種眼神，真係好似喺佢其他之前嘅演藝作品未見過。
羅天宇喺呢套劇無限爆seed。
有時啲場口又要時喊時笑咁，都幾考驗技。
視爆seed場口為極限挑戰
除了天台被踢爆戲及殺死柏妍場口，天宇另一幕怒擲物件亦相當瘋狂，談到接二連三的爆seed場口，天宇透露自己本身是不太擅長釋放情感的，故爆seed場口對其挑戰很大：「我嘅情感反應比起平常人係平啲，所以我接觸呢啲場口時，其實係唔慣個情緒去到咁高漲或者咁極端，所以都要warm up吓，可能做吓運動咁。對於我嚟講，嗰啲情緒算係一種極限挑戰，所以可能要事先push多啲、操吓個意志力，先至做到個效果。」2008年憑參選香港先生入行的天宇，多年來雖然參與不少劇集演出，但原來從沒接觸過如此情緒大起大落場口，難怪拍攝時不無緊張：「有啲緊張、又有啲擔心，因為驚整到連詩雅。不過劇組就叫我放心，因為大家事先傾好咗邊啲嘢掂得、邊啲嘢唔掂得，而且尖嘅利嘅同埋玻璃嘅嘢都全部拎走哂。」天宇又笑謂出演今次角色最搞笑的，是不少身邊朋友大呼期待：「佢哋都話想睇吓我到底發脾氣或者發爛渣會係點，因為我自己本身唔會掉嘢。作為演員其實都好想畀新鮮感觀眾，希望將來可以有更多唔同嘗試。」
為咗幫浚祈認清真相，阿魚喊到涕淚縱橫。
當浚祈意識到自己先係殺柏妍嘅兇手時。
佢當堂崩潰咗。
雖然最終撿回一命，但已變成瘋瘋癲癲。
跌膊Look引熱議 連詩雅獲讚內外美俱備
臨近結局篇，另外兩位女主角連詩雅及吳若希的討論度日益高企，前者獲讚內外美俱備、值得擁有更多機會，其中一幕跌膊Look更引發熱議，後者則獲盛讚演技有驚喜，成為觀眾追劇重心之一。昨晚一集獨白主角正是吳若希飾演的練采文，練采文除了會自揭為何對覓希（周柏豪飾）情有獨鍾，更會親述對高大昇（馬貫東飾）改觀的心路歷程，當中除了性感型格造型令人眼前一亮，一再反覆出現的「unpredictable」台辭亦令人印象深刻，一來是吳若希的冷傲tone演活了對白及角色的神髓，二來是相關台辭亦突顯了練采文愛玩「估你唔到」的性格。
吳若希無論眼神同造型都夠晒殺食。
呢幕場口雖然短，但係充滿高潮同驚喜。
昨晚練采文為了高大昇試探賢女友（胡美貽飾）一幕亦十分精彩，遭練采文步步進逼至無地自容的賢女友，惱羞成怒拍枱鬧爆練采文八婆，驚覺被賢女友狠狠出賣的高大昇不但沒有怪責對方，拿玻璃樽怒擲自己洩憤的同時，還不忘向練采文大派定心丸，不按牌章出牌的方式深深打動了練采文…今晚練采文與覓希及阿魚三人將迎來終極對決，到底從來沒有親手殺過人、但雙手沾滿血的練采文會否被大昇感染改邪歸正？阿魚與覓希的兵捉賊角力戰又會如何終結？密切留意今晚《旁觀者》大結局。
練采文明顯被高大昇打動咗。
練采文明顯被高大昇打動咗。
到底佢嘅最終結局會如何？
