王麗嘉性感食Pizza 王曼喜晒靚相疑似「飛釘」

兩位千金各自派福利。

王敏德與馬詩慧的兩位千金經常於社交網分享靚相，更毫不吝嗇一副好身材，好似昨晚細女王麗嘉（Irisa）就於IG上載了一條短片，片中着住低胸小背心的她正「表演」食Pizza，Irisa留言：「idk(I don t know) just me eating bbq chicken pizza.」一開頭條片都冇乜特別，只見她「深宵放毒」慢嚼細味，點知兩秒後Irisa即調皮鬼上身，對住鏡頭邊食邊扭動身軀，34D巨咪自然跟住晃動，一班網民紛紛留言稱：「從未見過一個女仔食Pizza食得咁性感！」

王麗嘉昨晚「深宵放毒」un住食Pizza。

王敏德與馬詩慧的兩位千金於社交網分享靚相。

王曼喜晒穿搭照，但真空上陣的她疑似「飛釘」。

王曼喜又於IG Story晒多角度照片。

王曼喜和王麗嘉經常毫不吝嗇晒好身材。

另邊廂，家姐王曼喜（Kayla）今日亦於IG貼出「OOTD（Outfit of the day）」穿搭照，相中穿白裙孭腰包的她，上身僅穿一件灰色超薄Bra top，真空上陣的Kayla更疑似「飛釘」，不過相信一向言行大膽的她都唔多介意，有網民都留言撐：「Free the nipples.」

名模馬詩慧和王敏德結婚30年，育有兩女一子，近日，馬詩慧帶埋兩姐妹王曼喜和王麗嘉一齊坐豪華遊艇出海玩，唔單只馬詩慧著咗紫紅色比基尼騷火辣身材，王曼喜和王麗嘉亦十分性感，著咗黑色三點式嘆世界，愜意無憂的生活令人十分羨慕。

馬詩慧在社交平台分享靚相和短片，可見她身為三子之女仍充滿魅力，身形瘦得嚟又凹凸有致，身姿曼妙到完全睇唔出年齡，保養得非常好！而王曼喜和王麗嘉出晒名鐘意晒自己的靚身材，大長腿和豐滿的上圍令人睇到心心眼。三母女無論身材還是外貌都各有出眾之處，唔少網民都大讚：「太性感」、「太靚女啦」。