諸葛紫岐說自己會做足防禦措施。
諸葛紫岐（Marie)今日到中環出席時裝活動，她透露年頭去溫哥華探親逗留了兩個月，之後於五月初返香港。Marie說，「一落機就要去機場博覽館接受深喉唾液檢測，之後再返屋企自我隔離14日，之前會諗自我隔離14日會唔會好辛苦，然後一直喺屋企做運動及教小朋友做功課，唔止瘦咗仲一啲都唔覺得悶。」
年初，Marie一家去咗溫哥華探親兼避疫。
問到今日出現多宗本地肺炎確診個案，可會擔心而不讓兒子上學？Marie表示長子薛華韜於5月尾復課，剛好昨日開始放暑假不用上課，她說：「真係好彩，如果仍要返學就要睇情況，如果情況嚴重都唔想兒子返學，我聽醫生講，肺炎菌已變種，變得較之前強及傳播性更高，之前感染嘅患者，亦可能冇免疫，慶幸兒子知道要戴口罩。」本地個案死灰復燃令Marie不敢掉以輕心，繼續保持每次出外回家，自己和家中的傭工也會將身上衣物消毒，入屋洗手，做足防禦措施。
Marie話好彩大仔啱啱放暑假否則未必畀囝囝返學。
Marie話好彩大仔啱啱放暑假否則未必畀囝囝返學。
問到會否趁兒子放暑假到加拿大渡假？Marie 表示不會，因為現時美國、歐洲仍然每日有數萬宗確診個案，去日本又要隔離14天，所以還是留在香港較為穩妥。不過，Marie 取笑老公薛嘉麟唔怕死，那裏危險就往那裏去，照樣見客，只因他鍾意工作。至於Marie 可有復工大計？她稱本已打算復工，但疫情影響下，現在很多工作都要停下來，因為現時仍未能到北京、上海或深圳。
