社會事
何必要單打他人呢?!
屯門大興花園。(資料圖片)
示威加上肺炎疫情重創經濟，不過香港的樓價持續高企。有網民就最近成功上車置業，不過就遭到一班同事的冷言冷語。
網民上周發文，「大半年來不停睇樓。自己唔係有錢人，知道自己可以選擇嘅係咩，心頭自問唔算高。就算30年樓、居屋、非市區都會睇。 最後終於上咗車。」網民透露，買了屯門大興花園，月供1萬多元。
屯門大興花園
事主坦言，上車前都知香港政治動盪、世界經濟不好。但身邊同事知事主買樓後，好多閒言閒語，「例如你咁勇呀、你份工無咗咁點、你好有錢喎呢個時候入市。」
事主不禁自問，「明明買樓開心事，本身都係自住用，講真買完驚驚哋。 有啲上咗岸嘅同事就話移民。我邊有你哋03年買咗樓嘅人有錢呀？！ 真係嬲嬲哋。你哋自己就上哂岸，講就輕鬆。唉」
事主其後再留言，稱「冷靜咗兩日，心情終於好啲。聽朝返工又要對住班同事，明明開開心心咁返工。點解某啲人咁鐘意批評人哋，明明件事就唔關佢事，係啲咁私人嘅事都要比說話人哋聽。對住班咁嘅人，諗起就攰」
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
