社會事
網民：「做人唔好咁自私 ! 」
新冠疫情反覆，市民防疫意識卻鬆懈，有網民指，一名長者在巴士上拒絕戴口罩，即使巴士司機停車遊說都無動於衷。
資料圖片
一名網民在facebook群組「筲箕灣西灣河關注組」上載圖片，一輛102號線巴士上，老翁在鰂魚涌上車後坐事主旁邊後咳嗽，全部人即刻閃開。
網民上前告訴司機，「司機停車多番落力勸說，告訴他疫情嚴峻，希望保護大家及佢自己，禮貌地畀埋口罩，佢亦堅持唔肯戴」。網民形容，「一臉不屑大模斯樣蹺腳擺出勝利姿態繼續坐車」，網民呼籲認識老翁的街坊或者仔女勸告老翁，「做人唔好咁自私 ! 」
網民圖片
網民又提出，港府應效法澳門，立例要求交通工具上必須戴口罩。有網民留言指，「可能窮到冇錢買口罩」，事主透露「司機畀咗個佢，送到面前，死都唔肯戴」。
事件引發過千網民轉發，批評當事人無公德心、隨時害人害己，又批評政府無強制市民戴口罩導致這種爭執經常發生。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
