閃盲啦～
資料圖片
湯洛雯（靚湯）和馬國明（馬明）自公開戀情後，越愛越高調，無時無刻都在放閃，今日（16日）一早又在放閃了！
話說，昨晚靚湯在社交網站貼出穿著唐老鴨Tee的靚相，心水清的網民都知道馬明是唐老鴨Die-hard fans，還瘋狂到將唐老鴨視為家人看待，見到靚湯暗地裏放閃，一眾網民即刻起哄大讚Sweet爆，大家都估二人一齊拍拖出街，又問件衫是否男友送？
隔了一晚，靚湯再在社交網站連出兩個Post，都是「靚湯與唐老鴨Tee」系列的照片，靚湯留言：「When I look into your eyes...」馬明都識做即Like兼留emoji，網民都紛紛表示在靚湯眼裏見到愛！
至於另一張相，靚湯就笑到見牙唔見眼，並留言：「Whats so funny?」馬明繼續指定動作即Like兼留言，不過，今次馬明就寫下一隻字：「鴨......」然後再加幾個笑到雙眼發光的emoji，靚湯爆笑回覆：「其實鴨係識游水嘅......」，究竟他們想表達什麼呢？
網上圖片
其實，馬明曾在訪問中講過：「有機會為唐老鴨而放棄女友」，而昨日《頭條日報》亦問過：「靚湯同唐老鴨跌落水會救邊個先？」有網民都幫手留言「質問」他，想不到他居然選擇居救鴨！
靚湯心痛愛貓！
湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。
湯洛雯與馬國明當兩隻愛貓是心肝寶貝一樣。
愛貓打完疫苗後出異常反應。
靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」
靚湯心痛得狂飆淚！
隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」
靚湯叫大家帶毛孩打完疫苗後， 一定要留意牠們情況。
指愛貓情況已穩定。
