培養仔女做車手 張繼聰跟實囡囡「龜速」兜風

安全最重要！

張繼聰（阿聰）最近迷上玩復古電單車，早前還相約森美、張振朗等去遊車河，昨晚 （16日）他於社交網站貼出一條短片，並留言：「Little bikers. 慢得嚟有速度感，安全得嚟車手表示有感覺。爸爸表示好開心，同埋行到成身汗 #litterbikes #vespa」。

張繼聰最近秘密訓練一對仔女做「車手」。

由於疫情爆發不可以得周圍去，所以阿聰近日買了兩架兒童電單車，趁夜晚沒有太多人在屋苑內，同一對寶貝仔女張瞻（James）和張靖（Karina）進行「車手」訓練。

片中，兩子女都戴上口罩和頭盔，在小路上以「龜速」慢駛，阿聰更一直於細女車後尾隨傍到實，非常小心，難怪他都表示行到流晒汗！

張繼聰買了兩架兒童電單車。

張繼聰全程在後跟實囡囡，確保她安全駕駛。

昨晚張繼聰陪仔女於屋苑內兜風。

今日阿聰又自嘲化身「龍友」，並貼出James與Karina駕着電單車「風馳電掣」的英姿，想不到只有三歲的Karina人仔細細這麼勇敢，而且揸得好穩定，連一眾網民都大讚又Cute又有型！

另一老竇、Dear Jane主音Tim（黃天翱）也留言邀約：「Tanya（兩歲多女兒黃子霏）都有架 #蝦李Daviddaughter。搵日遊車河。」看來可以嚟一場「星級BB」大賽喎！

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！