安全最重要!
張繼聰(阿聰)最近迷上玩復古電單車,早前還相約森美、張振朗等去遊車河,昨晚 (16日)他於社交網站貼出一條短片,並留言:「Little bikers. 慢得嚟有速度感,安全得嚟車手表示有感覺。爸爸表示好開心,同埋行到成身汗 #litterbikes #vespa」。
由於疫情爆發不可以得周圍去,所以阿聰近日買了兩架兒童電單車,趁夜晚沒有太多人在屋苑內,同一對寶貝仔女張瞻(James)和張靖(Karina)進行「車手」訓練。
View this post on InstagramLittle bikers ⚡️👧🏻👦🏻 . 慢得嚟有速度感,安全得嚟車手表示有感覺🤘🏼 . 爸爸表示好開心,同埋行到成身汗 . #litterbikes #vespa
片中,兩子女都戴上口罩和頭盔,在小路上以「龜速」慢駛,阿聰更一直於細女車後尾隨傍到實,非常小心,難怪他都表示行到流晒汗!
今日阿聰又自嘲化身「龍友」,並貼出James與Karina駕着電單車「風馳電掣」的英姿,想不到只有三歲的Karina人仔細細這麼勇敢,而且揸得好穩定,連一眾網民都大讚又Cute又有型!
另一老竇、Dear Jane主音Tim(黃天翱)也留言邀約:「Tanya(兩歲多女兒黃子霏)都有架 #蝦李Daviddaughter。搵日遊車河。」看來可以嚟一場「星級BB」大賽喎!