「我當然擔心，亦自我隔離喺屋企等待檢疫測試。」
由麥德羅及女友Apple姐、歌手施匡翹和宣傳人員阿佳爆發的娛樂圈感染群組，牽連甚廣，因為施匡翹每周四都到新城電台主持節目《猜情尋》，新城即時直播室、錄音室、大堂等進行全台噴霧大清潔，非當值及後勤員工則安排家居工作，還安排了一間公司送上檢疫測試瓶給全部員工都做檢疫測試，預計12至24小時就有結果。
DJ范振鋒及思敏抱住平常心面對。
喺疫情下家燕姐都好小心防疫。
薛家燕除了每周在新城電台開咪做節目外，還會返TVB錄影《流行經典50年》，對於施匡翹和宣傳人員等確診，家燕坦言擔心：「呢幾日疫情係幾緊張，知道有歌手及相關助手受到感染，佢哋又有同新城、無線等工作人員一齊做嘢，所以我當然擔心，亦自我隔離喺屋企等待檢疫測試。新城尋日通知我哋，全部訪問都轉為Phone In，我哋唔使出現，連嘉賓都係Phone In做訪問。至於無線方面電視城尋日全廠進行大清潔，尋晚我同《流行經典50年》監製商量，因星期二要錄影，為咗安全，家決定取消，因為每集都好多歌手、樂隊、舞蹈人員，而新城今日都安排咗公司送上檢疫測試瓶，幫我哋全部員工都做檢疫測試，12至24小時就有結果，我都會做測試，以防萬一。」
家燕姐同啤梨等緊做檢疫測試。
資料圖片
葉文輝范振鋒異口同聲話OK
至於新城DJ葉文輝(啤梨)就話暫時OK，多謝關心，他不慌不忙說：「都唔算好驚，但係為咗屋企人都準備做測試買個安心，家等緊測試用品送到我屋企，應該好快有結果。」而范振鋒同樣表示：「I’m ok.」
57歲仲係21吋腰。
葉子楣(Amy) 今日(20日)接受新城《開心大派對》主持薛家燕、思敏及范振鋒訪問，家燕姐問到Amy當年是否墮入愛河受到男友反對而毅然引退？Amy坦言：「男人係咁自私，而且當年最高峰連拍13部戲，都想俾自己休息一下，試過一日趕幾組戲，冇得瞓覺。」阿范即笑言好羡慕拍戲拍到冇得瞓。
葉子楣（Amy）昨日(20日)接受新城《開心大派對》主持薛家燕、思敏及范振鋒訪問。
葉子楣指當年最高峰連拍13部戲，都想俾自己休息一下，試過一日趕幾組戲，冇得瞓覺！
當年墮入愛河而毅然引退！
家燕姐則讚Amy天生尤物，依然保持21吋腰，並問秘訣？Amy即大方公開保持身材秘方：「唔好食煎炸及鹹嘢，如果戒埋甜品仲瘦，甜品對皮膚唔好，不過我好鍾意食甜，會食少少，同埋一定要運動，食物7分，運動３分。」
葉子楣大方公開保持身材秘方。
話唔好食煎炸及鹹嘢，仲要戒埋甜品！
家燕姐好羨慕葉子楣身材。
Amy並謂當年退出好享受不用化妝、影相，又可以慢活，但復出後再重見大家，又覺得好開心，對於她復出後網民評語，她表示無論如何都會有批評或讚賞，但她不會理會，並有一套應付惡意批評的方法，就是要消化惡意批評。不過阿范就安撫她大部份留言都是支持Amy。
家燕姐再談到Amy當年曾做歌手出唱片，Amy即謂當年不單止在香港出唱片，更到台灣發展推出唱片，更在台灣演出過百場音樂會，她有點歎謂：「但認識醫生男友之後，佢唔俾我，之後推咗好多。」家燕姐問她是否愛情至上的人？Amy即說：「做人唔好向後望，應向前望，會更加好，單身咗咁多年，已經習慣咗，桃花就多，真正姻緣好難搵到，條件最緊要眼緣及鍚自己。」
葉子楣指做人要向前望。
家燕姐再談到Amy當年性感女星形象相當成功，堅守不露點，Amy即說：「當年走性感路線完全係順其自然，講明不應酬、不食飯，就算去台灣發展，簽合約，也寫明性感不露點，不食應酬飯。」
葉子楣當年堅持不露點！
