黃祥興與太太同賀結婚8周年：最緊要恩恩愛愛

好浪漫。

黃祥興同老婆Peggy慶祝結婚8週年，撇甩小朋友拍拖食咗個豐富午餐。

Peggy親手做咗陶瓷酒杯送畀祥興。

呢餐真係好豐富㗎！

祥興呢期化身湊仔公，特別係4歲嘅二仔Tristan同 1月先出世的細仔 Damien。

黃祥興雖然近期因疫情，經常化身超級奶爸，湊住三個小朋友，但在法國長大嘅佢梗係識得浪漫，都冇忘記靚靚老婆Peggy，仲同太太慶祝結婚8周年，除咗拍住拖齊齊食個浪漫又豐富嘅午餐外，他更用中英文寫埋冧爆留言：「Happy 8th wedding anniversary to you and us. Thanks for your love to me, to our kids, our family. Tough times for us for and everyone. Thanks for your handemade pottery sake glass. Love it. Only lunch celebration this year and I know you surely understand. We stay strong we stay in love in.八週年快樂！午飯都仍然咁開心。最緊要恩恩愛愛！」而Peggy亦禮物送畀老公，就係親手做嘅陶瓷酒杯，加上生咗三個咁得意嘅小朋友，呢個太太認真抵錫！

黃祥興參選2005年《香港先生》後加入TVB，他貼文宣布離巢，入行18年的他多謝樂小姐及珍姐過去的栽培。

黃祥興於2005年參加《香港先生選舉》，雖然三甲不入，但因此加入TVB成為旗下藝人，18年來參與不同劇集的演出。他剛於社交平台宣布離開TVB。黃祥興貼出一張站於TVB門外的個人照，見他雙眼遠望前方，決心向外闖。

黃祥興貼文宣布離開TVB。

黃祥興於2005年參加《香港先生選舉》。

黃祥興貼文寫道：「眨下眼18年！我成日希望有機會在台上講呢幾句由衷說話，不過相信現在只有喺我呢個平台講了！好想多謝樂小姐，珍姐，多謝你們多年的栽培和照顧。多謝台前幕後咁多位同事，好多謝用過我嘅監製，希望大家保持身體健康，繼續工作愉快！我會畀心機行一條新路，相信有緣江湖再見#新開始」。

黃祥興育有兩子一女。

黃祥興十分疼鍚子女。

網民紛紛留言祝福黃祥興一切順利。另外也有不少藝人留言鼓勵以及表示不捨，其中袁偉豪留言：「好彩我都同你一齊跳過台慶，又拍過劇 加油兄弟！」又說笑：「by the way 快啲退返個 locker 出嚟，我唔夠用。」

黃祥興過去有機會參與不同的劇集演出。