梗係人同歌都鍾意啦
正所謂「情人眼裏出西施」，無論老公蕭正楠（Edwin）做乜都好，喺黃翠如眼中對方永遠都係「型英帥靚正」！話說昨日Edwin和好友區永權即興拍片，一個彈結他、一個做主音，合唱咗一首張學友嘅經典歌曲《李香蘭》，仲稱他們的即興組合為「一筆區蕭」。事後兩人將影片上載到IG，Edwin留言：「一支破舊嘅結他，兩個喜歡唱歌的他，他們送給你的，李香蘭」並Hashtag謙稱「#最rough製作」，又讚區永權是「世界級和音」，作為Edwin頭號粉絲的翠如即刻留言：「喜歡～」冧爆的Edwin回覆：「我知。」但有網民就笑問：「你講（喜歡）個人定首歌先？」
蕭正楠和區永權（右）即興Jam了一首張學友嘅經典歌曲《李香蘭》。
黃翠如轉發了老公蕭正楠的唱歌片，並冧爆讚喜歡。
黃翠如和蕭正楠經常放閃。
資料圖片
隨後翠如又喺自己IG帳戶轉載「一筆區蕭」合唱影片，她寫道：「一個一入行就認識的男人，另一個要熟識一世的男人，走在一起，好美，好聽。」呢個老婆真係好捧場！其實一眾圈中好友都有留言讚好聽，「C君嫂」黃天頤更要求睇Live，翠如亦答應疫情好啲再聚。
