身體狀況有好轉 鄧達智透露出院有望

祝順利出院。

著名時裝設計師鄧達智正在留院治療新冠肺炎，其另一半陳梓欣醫生因屬緊密接觸者要到駿洋邨隔離，今日（2日）陳醫生也完成最後一天隔離出關。

陳醫生今日出營，鄧達智亦出院有望。

而鄧達智則因藥物反應導致發燒、忽冷忽熱、影嚮食慾，連日來都說好攰好辛苦，幸好今日他其狀況有好轉了。他表示：「昨天暫停注射，所以今天沒發燒發冷等反應，相對沒那麼攰，也有胃口吃食。」

下午1時半，鄧達智透露出院有望好消息，「醫生話我其實無病徵的感染，so far到現在也一直沒有明顯病徵，但的確感染了，入院時的指數係差的，雖然不是好差，但也不是好樂觀，所以都需要打針和食勁的藥，但醫生相信我是好轉了，因為由初步確診到現在已超過一個星期，我都無咳、無肺炎，情況已經係好好。聽日再驗埋CT Value（病毒數值），知道了最新的數值後，就會決定我幾時可以返屋企。」

網上圖片

鄧達智謂陳醫生中午準備回家，回復自由身後，明天將為他速遞親自煲的愛心靚粥。

由馬時亨主持的訪談式綜藝節目《信和集團呈獻：馬時亨香港情》，5月20日晚九點翡翠台播出第五集。今集主題是「時裝情懷」，馬時亨邀來著名時裝設計師鄧達智William，及笑稱自己「成副成家都花喺買衫度」的陳山聰暢談時裝經。

今集無論主持馬時亨（右），同埋兩位嘉賓陳山聰（左）同鄧達智，都同時裝界有一定嘅淵緣。

為配合主題，陳山聰刻意著靚靚亮相，並開心分享身上牛仔褲的來歷：「我依家著緊嘅牛仔褲，係喺九十年代尾（買嘅）。」山聰憶述當年自己穿了一條售價約二千多元的品牌牛仔褲到泰國旅行，其間看到一名泰籍青年穿了一條讓山聰「一見鍾情」的牛仔褲，山聰上前研究完該條牛仔褲一輪後，即決定「以褲易褲」，山聰笑言：「我問『你肯唔肯換吖？』我再加咗2萬銖，即場同佢換褲。呢條褲我keep咗差唔多30年，我好耐冇洗喇，一洗咗個色就走喇。」山聰又笑言連陳媽媽也曾投訴「條褲臭喇」，山聰之後還分享了對付「發臭牛仔褲」妙法，到底是甚麼呢？

陳山聰外號又名「潮山聰」，佢可愛嘅地方係，只要講起靚衫，無論件衫咩價格、咩牌子都好，只要佢覺得靚，佢就會開心得像個小孩。

山聰續指對時裝的熱愛，或多或少是受擅長做靚衫的媽咪影響，席間除分享了小時候與媽媽為他做靚衫的溫馨小故事外，更指長大後媽媽仍有繼續為他做衫：「就算我啱啱入行時，我媽咪都仲有做衫畀我。」談到家中衣物收藏數量，山聰笑言有過200對鞋：「我係波鞋、皮鞋、boot，總之係靚嘅鞋我都會買。著衫我唔係為咗畀人睇，我自己開心架咋。」還大談昔日到出口店尋寶歲月，以及配襯衣服心得。山聰又自爆為了顯示對衣服及品牌的尊重，會做出很瘋狂的行為，到底又是甚麼呢？至於鄧達智則會大談香港時裝發展史，並肉緊謂：「香港（服裝業）曾經嘅輝煌係好多香港人唔知。」

對於自己好鍾意嘅衫，山聰笑言會有一個幾近瘋狂嘅表達敬意儀式，係咪好想知係咩呢？

山聰特登著咗一條佢自己好鍾意嘅牛仔褲上節目，佢講番當年點樣「眾裏尋jeans千百度」時，依然難掩當刻見到呢條牛仔褲嘅喜悅。

鄧達智都講咗好多時裝經，萬勿錯過。