網民批評該名女病人行為自私。
本港新型冠狀病毒疫情嚴峻，公立醫院不勝負荷，醫護人員疲於奔命。近日有一名普通科門診醫生在網上發文，指一名女病人因喉嚨痛而求醫，期間不滿輪候時間太長發難，指責醫生身穿防護裝備，並口出惡言：「咁怕死就唔好做醫生啦！」帖文隨即引起網民討論，不少人留言安慰樓主，亦有人斥責女病人行為自私。
喉痛婦嫌等睇病太耐，竟人身攻擊醫生：咁怕死唔好做醫生。資料圖片（小圖為Facebook「HA Secrets」截圖）
該名網民日前在社交媒體Facebook專頁「HA Secrets」上發文，指疫情令包括他在內的醫護忙得不可開交，壓力非常大。日前更遇到一位喉嚨痛的女病人，因不滿輪候時間太長，一入醫生房便發難，指責「又話叫人唔好聚集，睇下喉嚨痛都要等成個鐘」，隨後更大罵「又口罩又面罩，仲要將我張櫈攞到九丈遠，你哋醫生啲命就特別矜貴嘅，我條命呢就唔值錢嘅！」
疫情下公立醫院不勝負荷，醫護人員疲於奔命。資料圖片
樓主聽後大感無奈，但仍沉住氣繼續工作，詳細詢問女病人的接觸史及病徵等，並開藥及安排她接受深喉唾液檢測。怎料女病人仍然相當不滿，責備他沒有檢查喉嚨，批評樓主「沒有醫德」，更稱「咁怕死唔好做醫生啦！係咪我有新冠肺炎你就由得我死唔醫我呀？」樓主指，雖然偶爾仍會遇到一些善良的老人感謝自己的照顧，但是次經歷仍讓他又委屈又憤怒又洩氣。
不少網民替樓主感到相當不值，留言批評該名女病人行為自私，又安慰樓主「唔好同呢啲人一般見識」、「辛苦晒」、「多謝你哋嘅專業和不辭勞苦」、「不用氣餒，挺住，你正在為你及家人積福！」。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
