感恩有人提醒自己
鄭欣宜（Joyce）昨晚以神秘嘉賓身份在《C ALLSTAR WECARE慈善Live》中，跟C Allstar合唱《黑彩虹》以及聯同馮允謙（Jay）合唱《80後時代曲》，令Joyce想起入行已經10年，今次是第一次正式跟C Allstar合唱。Joyce說︰「我對佢哋最記憶猶新嘅一個回憶，係入行嘅時候我成日都好容易喊，當時釗峰同我講叫我唔好咁易喊，你把聲本身好好聽，一喊就會影響你嘅表現！」Joyce因為他的一句說話，激發起了她學會如何在表演時控制情緒。
在抗疫期間，Joyce除了一直籌備她的新歌外，亦不斷努力更新自己的YouTube Channel，她表示︰「好開心有觀眾支持我拍嘅片，今次疫情雖然收入減少，但對我嚟講最大得著係原來我可以拍到唔同類型嘅片，亦都得到唔少人支持，而拍片係唔會受到任何掣肘，唔駛被別人塑造自己嘅形象，可以喺自己嘅平台『做自己』。」
欣宜最難忘釗峰提示叫她不要成日喊，怕她一喊就會影響表現！
疫情下鄭欣宜經常拍片放上網做自己。
馮允謙好欣賞C Allstar的和音技巧，終於有機會同他們合作。
疫情下鄭欣宜經常拍片放上網做自己。
而另一位神秘嘉賓馮允謙（Jay）就同C Allstar合唱《山旮旯》，Jay說︰「我一直好欣賞C Allstar嘅和音技巧，終於有機會同佢哋合作。」由於Jay不太懂中文，所以在今次合唱中文歌前，要先下一番苦功。Jay表示︰「都用咗一段時間去準備，歌詞中有啲字讀音太似，但又唔係同一個意思，所以對我嚟講都有少少難度。」在家抗疫期間，Jay開始嘗試家中直播唱歌以及拍攝不同的日常片段，Jay更說道：「為咗喺屋企做直播，用咗唔少錢去添置器材同應用軟件，希望精益求精。」
「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。
Jay新歌《JAY FUNG儀態訓練學院》MV上架。
觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx
拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。
MV在一間高級餐廳拍攝，Jay坐在其中一張餐枱前。
一班瘋狂食客突然衝出，爭相搶食物，椅子都被撞跌。
最後Jay見到一位小男孩沒有跟著去搶食物。
便上前拖著小男孩離開。
拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。
Jay指同小朋友做對手戲最緊要係要同佢做朋友！
Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」
Jay對自己的名子出現在新歌名都感到好奇。
Jay式字幕
新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」
新歌以Jay的好脾氣做題材，但他自言都有發脾氣的時候。
