劉浩龍隔離期滿剪髮兼開工 興奮拍片介紹錄音必食牛飯

好食到次次錄音都要食

今年6月，劉浩龍(師兄)去咗內地拍古裝片，因為疫情關係，香港返內地要隔離，內地返香港都要隔離，7月21日終於完成悶到慌嘅隔離生活。

隔離完，第一件必做嘅事就係剪頭髮。

師兄同支咪打招呼。

首先佢去咗剪頭髮，估唔估到佢剪完嘅感受？冇錯，就係舒服晒。開心嘢唔好畀佢停，尋日佢就去咗舒文錄音室度錄音，佢話好耐冇去，又估唔估到佢有咩感受？冇錯，就係好耐冇見，當然係同支咪講啦，但佢重點唔係想講錄音，係佢想講盒免治牛飯，當事人寫到明食足8年都唔厭，除咗盒飯，仲有個港式羅宋湯，師兄形容味道相當old school。

每次去舒文錄音室錄音，師兄都會叫外賣呢個懷舊腸仔免治牛飯。

師兄拍片介紹呢個令佢情願捱餓都要留肚食嘅免治牛飯。

佢話最特別係啲免治牛肉入面有腸仔。

睇佢食得幾開心，嗱佢食嘞。

聽吓喺錄音室食飯嘅興奮仔點講：「隔離14日後第一日開工，喺呢度錄咗8年，每次都會食呢個飯，最old school嘅免治牛肉飯加蛋同羅宋湯，點解我咁鍾意食呢個飯？因為好少喺啲肉入面有腸仔㗎，而家已經5點，我特登晏都唔食上嚟食呢個飯，食完我就有氣有力唱歌嘞。」

由邱禮濤執導，三大影帝主演的警匪動作電影《掃毒3：人在天涯》，當中正反兩派別，皆邀得不少好戲之人坐陣。包括同為影帝的謝君豪、劉浩龍、蘇宸褕（灰熊）飾演毒梟康素差（劉青雲 飾）的手下，至於戲中飾演指揮官的方中信，就帶領洪天明、徐偉棟等，圍捕販毒集團。幾位演員都大嘆今次戲中動作戲難度相當高。

《掃毒3：人在天涯》連串動作大場面曝光。

影帝謝君豪飾演毒梟康素差（劉青雲 飾）的手下。

謝君豪在戲中的造型豪邁奔放，其角色是一名泰國人叫Mee Noi，造型與劉青雲的飾演的康素差有點相似，為了演好角色，君豪表示有時間便要去曬太陽或曬太陽燈，還有去電髮和留鬚﹐君豪哥形容角色放蕩，經常很high地笑，又笑指部分泰文對白難記。整齣戲的高潮在於尾場開槍大戰，君豪說：「ending又槍戰，又炸又放火，火燒人，結尾我中了炮彈着火，同時被軍人拘捕。自己都開了很多槍，自己猛嗌，之後放假抖兩日都喉沙。」

謝君豪在戲中的造型豪邁奔放，造型與劉青雲的飾演的康素差有點相似！

謝君豪為了演好角色，表示有時間便要去曬太陽或曬太陽燈，還有去電髮和留鬚。

與君豪同是跟康素差搵食的師兄劉浩龍，飾演犯罪集團阿細。師兄分享：「其中一場講他們被警方圍捕，青雲駕着貨車，我像懂壁虎功跳上車再開槍，算是我拍戲以來頗利害的演出，危險性很高。」師兄表示首次拍這般震撼的電影，他說：「其中在西廂版納拍一場搶貨戲，在山上邊開槍跳下來，又被掟手榴彈，隨後更在身邊爆炸。」

劉浩龍飾演犯罪集團阿細。

師兄表示首次拍這般震撼的電影。

拍戲經驗豐富的方中信就坦言，在碼頭拍攝的圍捕康素差販毒一場，令他擔憂驚恐，方中信說：「拍了這麼多年動作戲，今次自己都有點驚，飛車、爆炸翻車，最終安全完成，當中雖然有些意外發生，希望意外受傷同事早日康復。埋位時都有點害怕，該場只有我與天明，背後要爆反一輛貨車，距離很近，之前與動作指導合作過兩、三次，當然有信任，拍完看片是值得好看。」

今次飾演一名警察的洪天明，與方中信一齊掃毒。

戲中飾演指揮官的方中信，就帶領洪天明、徐偉棟等，圍捕販毒集團。

今次飾演一名警察的洪天明，與方中信一齊掃毒，天明指《掃毒3》有不少槍戰、飛車及爆炸等激烈場面，他說：「今次很多動作，好耐沒試過拍戲開這麼多槍和子彈，導演肯花錢讓我們開真槍，有一日更拍至所有子彈都燒完，拍攝的真槍雖然沒有彈頭，但感覺與開槍差不多。」拍攝現場不時有爆破、開槍巨響，天明說：「有一鏡拍攝時忘記耳仔塞棉花，偉棟在我耳仔邊開槍，感覺耳膜穿了很痛。」

拍戲經驗豐富的方中信就坦言，在碼頭拍攝的圍捕康素差販毒一場，令他擔憂驚恐！