好奶奶薛家燕錫到新抱燶 精心策劃外賣火鍋賀生日

最佳奶奶

薛家燕精心策劃生日會，Zoe開心到和家燕姐抱抱兼豎晒手指公，家燕姐成為最佳奶奶典範。

有奶奶錫，Zoe開心到手舞足蹈。

薛家燕唔止係個好前輩，仲係一個好奶奶；所謂「好仔不如好新抱」，前年升呢做奶奶嘅薛家燕錫到新抱陳素怡（Zoe）燶，入門時已送上豪宅、家傳之寶及大量金器，羨慕死一眾新抱！Zoe都好識做，疫情下會親自煲愛心靚湯畀家燕姐補身，兩婆媳向來都相處融洽。

限聚令下，生日會只好留家舉行。

家燕姐拍片逐一介紹美味食材，大魚大肉相當豐富。

噚日係嘅Zoe生日，因限聚令未能出外慶祝，但薛家燕就喺屋企精心策劃咗個小型生日派對，除咗佈置現場外，仲外賣火鍋，餐枱放滿和牛等美食，而在短片中薛家燕逐一介紹食材，更跟Zoe來個愛的抱抱，兒子石耀庭、幼女石耀珠都在場拍爛手掌，唯獨大女珊珊身在美國工作未返。Zoe開心到豎晒手指公，喺疫情下，睇嚟身形豐滿咗，好有少婦相。

Zoe嫁入門時，家燕姐大送金器。

之前家燕姐生日，Zoe都有同奶奶慶生。

家燕姐留言：「今天是媳婦Zoe生日，因為疫情關係，得到好友林柏希的特別安排送上外賣火鍋，又方便又美味，大家都有一個溫馨和開心的晚上。」網友大讚薛家燕係最佳奶奶典範。

李思捷接受新城「開心大派對」訪問公開扮嘢小貼士。

李思捷今日（4月6日）接受新城「開心大派對」主持薛家燕、范振鋒、思敏直播訪問，家燕姐讚李思捷有份主持的TVB新節目《福祿壽訓練學院》令到對演藝好有熱誠，但沒有機會表演的一群學員，有機會在螢光幕上表現自己才華，家燕姐更對其中一位學員前天堂鳥隊員Gordan（葉泓聲）扮羅志祥十分欣賞，思捷也讚Gordan一向跳舞好出色。

李思捷接受新城「開心大派對」主持薛家燕、范振鋒、思敏直播訪問。

家燕姐大讚思捷是喜劇中難得的人才。

李思捷在訪問中表示《福祿壽訓練學院》參賽者有藝人，也有不少素人參加，坦言比賽初期，藝人有演戲經驗比較着數，不過他相信只要素人上多幾次舞台，潛質就會發揮出來，他希望《福》節目能夠好似《中年好聲音》搞得一樣出色，也不介意與學員們合作做併盤，希望為觀眾帶來更多開心喜劇及表演。

李思捷希望《福祿壽訓練學院》節目能夠好似《中年好聲音》搞得一樣出色。

思捷與三位主持人傾到雞啄唔斷。

李思捷感謝有幸參與《歡樂今宵》
家燕姐指思捷是喜劇中難得的人才，唱得、講得、扮得又有幽默感，尤其扮鄭少秋及四大天王相當神似，思捷公開扮嘢秘訣：「小貼士，演出時唔好望鏡頭，如果望鏡頭的話，就會不停提自己注意好多嘢，唔望鏡頭才可以集中精神諗著扮演的人。」他並透露盧海鵬曾教他扮嘢誇大10倍就可以。

在節目中李思捷談到當年好幸運能參與最後一季《歡樂今宵》(EYT)演出，當時有幸參與的新人還有黃宗澤，他感謝當年「EYT」給他機會：「所有拍檔都是勁人，學到好多嘢，之後TVB更安排做台慶司儀…….」正當家燕姐及阿范忍不住插咀大讚之際，思捷馬上補充：「但係有12位司儀，我的對白只得兩句，哈哈！當時TVB揀我或崔建邦，最後揀咗我，崔建邦不太開心，我叫佢不用唔開心，之後公司再搵我單獨拍節目宣傳片。」家燕姐即好奇地哈哈大笑問他請咗邊位請食飯？思捷即笑答：「當時好窮，點會有錢請食飯，直至福祿壽騷才開始有錢。」

氣氛熱鬧！

詳細精彩內容，請重溫4月6日，下午2-4時，新城知訊台《開心大派對》節目 ，重溫網址：https://www.metroradio.com.hk/MetroInfo/