*

upload_article_image

患癌太太病情突告急 林子博指愛妻僅接受舒緩治療

希望有奇跡發生。

林子博太太董燕君(Shirley)去年確診患上極罕有癌症「平滑肌肉瘤(腹腔)」,經半年治療,腫瘤縮少咗,病情向好,全家都陪伴Shirley積極面對抗癌之路。但近日Shirley病情突然告急,腫瘤劇痛,又暈又嘔且去不到廁所,甚至連下床也有困難,因而必須送院,現正在瑪麗醫院腫瘤科病房治理。

資料圖片

今日林子博帶埋仔女出席朋友新店開幕,對太太病情轉差相當擔心。

今日子博帶同仔女到荃灣出席朋友食店開張,他坦言太太只能接受舒緩治療,邊度唔妥醫邊度,喺西醫角度,佢個病冇做任何治療可以做到:「之前都試過食咗兩星期標靶藥,但副作用太大,而且對平滑肌肉瘤成效唔太大而放棄。」目前太太又暈又嘔,腫瘤痛到冇晒胃口,子博擔心道:「暫時冇人話到畀我聽點解太太暈得咁犀利,不過我哋有少少懷疑係食啲嗎啡水副作用,因為每人對藥物有唔同嘅反應,暈同嘔應該同腫瘤冇關。目前醫生轉咗另一隻冇嗎啡成份嘅止痛睇吓情況有冇好轉。」

- 閱讀更多 -

往下看更多文章