鄧達智屬冇病徵感染者。
鄧達智出院，昨天傍晚由聯合醫院返抵元朗住所。
62歲時裝設計師鄧達智(William)上月24號確診新冠肺炎，在家中隔離等足4日，延至7月28日才被安排白車送入聯合醫院接受治療，在醫院住了7天，昨晚7時許終於由伴侶陳梓欣醫生（Clement）接載返到元朗住所，落車後即遞手機給記者要求為二人影合照，然後接受訪問。而他返家後第一時間和陳醫生撐枱腳開餐，嘆紅酒、榴槤及日本蜜瓜慶祝，陳醫生還準備了美味嘅汕頭滷水鵝及鵝肝，可惜剛康復嘅William冇乜胃口，只係食咗少少榴槤。
因為同陳醫生好耐冇見，鄧達智都要求記者幫兩人影吓相留念。
鄧達智開心與伴侶Clement在家飲紅酒、歎榴槤及蜜瓜慶祝康復出院。
鄧達智好開心不用再留院，又笑言雖然已有抗體，沒有病毒，可以拿掉口罩，但不想引起公眾恐慌，返家後會繼續隔離1星期，在家工作，以釋除別人疑慮，因病和陳醫生分隔逾兩星期，現時會互相照顧，由對方煮飯，又讚對方廚藝不錯。
鄧達智屬冇病徵感染者，所以提醒大家要更加小心防疫。
鄧達智講返過去幾日的經歷：「治療期間打針後不斷發燒發冷，嚴重副作用燒足4天變得好迷糊，退燒後3日即可出院，都算好快。醫生話我係冇病徵感染，冇肺炎冇咳，除咗發燒之外，正常唔會知道自己有問題，所以有責任要更加小心，一定要去驗，唔好等到有病徵先去做驗測。」他估計自己因為當日在網台除口罩做訪問出事，因為兩日後訪問他的人都確診。
由馬時亨主持的訪談式綜藝節目《信和集團呈獻：馬時亨香港情》，5月20日晚九點翡翠台播出第五集。今集主題是「時裝情懷」，馬時亨邀來著名時裝設計師鄧達智William，及笑稱自己「成副成家都花喺買衫度」的陳山聰暢談時裝經。
今集無論主持馬時亨（右），同埋兩位嘉賓陳山聰（左）同鄧達智，都同時裝界有一定嘅淵緣。
為配合主題，陳山聰刻意著靚靚亮相，並開心分享身上牛仔褲的來歷：「我依家著緊嘅牛仔褲，係喺九十年代尾（買嘅）。」山聰憶述當年自己穿了一條售價約二千多元的品牌牛仔褲到泰國旅行，其間看到一名泰籍青年穿了一條讓山聰「一見鍾情」的牛仔褲，山聰上前研究完該條牛仔褲一輪後，即決定「以褲易褲」，山聰笑言：「我問『你肯唔肯換吖？』我再加咗2萬銖，即場同佢換褲。呢條褲我keep咗差唔多30年，我好耐冇洗喇，一洗咗個色就走喇。」山聰又笑言連陳媽媽也曾投訴「條褲臭喇」，山聰之後還分享了對付「發臭牛仔褲」妙法，到底是甚麼呢？
陳山聰外號又名「潮山聰」，佢可愛嘅地方係，只要講起靚衫，無論件衫咩價格、咩牌子都好，只要佢覺得靚，佢就會開心得像個小孩。
山聰續指對時裝的熱愛，或多或少是受擅長做靚衫的媽咪影響，席間除分享了小時候與媽媽為他做靚衫的溫馨小故事外，更指長大後媽媽仍有繼續為他做衫：「就算我啱啱入行時，我媽咪都仲有做衫畀我。」談到家中衣物收藏數量，山聰笑言有過200對鞋：「我係波鞋、皮鞋、boot，總之係靚嘅鞋我都會買。著衫我唔係為咗畀人睇，我自己開心架咋。」還大談昔日到出口店尋寶歲月，以及配襯衣服心得。山聰又自爆為了顯示對衣服及品牌的尊重，會做出很瘋狂的行為，到底又是甚麼呢？至於鄧達智則會大談香港時裝發展史，並肉緊謂：「香港（服裝業）曾經嘅輝煌係好多香港人唔知。」
對於自己好鍾意嘅衫，山聰笑言會有一個幾近瘋狂嘅表達敬意儀式，係咪好想知係咩呢？
山聰特登著咗一條佢自己好鍾意嘅牛仔褲上節目，佢講番當年點樣「眾裏尋jeans千百度」時，依然難掩當刻見到呢條牛仔褲嘅喜悅。
鄧達智都講咗好多時裝經，萬勿錯過。
