保重。
無綫第20期藝員訓練班畢業的陳積榮（Jeff），昨日在社交網上載片段公開剛證實患上第四期肺癌。37歲的Jeff說：「因為呢件事我感覺到好多朋友幫我，所以我覺得我更加應該行出嚟拍呢條片，畀更加多人知道我打緊一場咩仗。我唔知點解會發生喺我身上，係好短時間嘅，基本上我6月中時背脊痛，開頭以為係椎間盤突出，我用最短時間喺私家醫院做咗幾個Test，證實咗我患上非小細胞嘅癌症，亦冇任何先兆。我唔食煙，亦唔飲酒，飲一杯就醉；有踢波打波，條氣唔覺得自己差咗，但依家正正喺個肺左下方大概6cｍ卡片咁大嘅腫瘤，引伸背脊後面有個腫瘤，點解係第四期，因為已經有擴散嘅迹象。」
Jeff哽咽告知大家他的壞消息。
https://www.facebook.com/actorkeepwalking/videos/3083239268424695/
Jeff講到拍這片原因是知道很多朋友關心他，不想逐個致電回覆時已忍不住哽咽，因他不想令朋友擔憂，並雙手合十說：「唔好意思呢個真係一個bad news，我相信我可以打得贏，但我個人一定打唔贏。」望大家給他資訊。
Jeff不煙不酒又愛踢波，病發前也沒有任何先兆。
Jeff續謂：「突然之間上天要攞走你就攞走你，可以好短時間，睇過醫生話，你個Case以前得半年命左右，依家狀況係不幸中大幸，報告顯示肺我嘅肺癌種類最大路嗰種，可以用鏢靶藥去醫治，背脊腫瘤要立即做電療。」
影片截圖
影片截圖
去年斷供醫療保險的Jeff謂，之後將決定食邊種鏢靶藥，一代也要過萬元一個月，很多醫生建議他食三代，要五六萬元一個月，他直認有經濟壓力，聽個數字已好驚不知如何處理。Jeff說雖然可看公立醫院，但其背脊腫瘤要盡快處理，需費6位數（以十萬計），他再度哽咽：「個病開咗時間掣，好似死亡筆記咁，話畀你聽你仲有幾多時間。我唔驚死，但仍然想活下去！」