*

真人騷齊做侍應欠溝通 楊天宇郭奕芯重提事件仲有火

疫情下兩人工作停頓,唯有自我增值在家健身同練普通話,望向內地發展。

楊天宇和郭奕芯最近參與ViuTV真人騷《辣伙頭•開火》,雖然郭奕芯第一季曾打入四強,但今季賽制好大分別,由考廚藝變成鬥經營餐廳,對他們來說有一定難度,特別是做侍應,搞到他們一度有拗撬,接受《頭條日報》獨家訪問當日提起亦忍不住再「開火」,相當搞笑。疫情下,兩人都坦言工作停頓,唯有自我增值,楊天宇在家健身,為9月有機會開拍新戲準備;而郭奕芯就練緊普通話,望向內地發展。

節目中,兩人同屬藍組,成員還有陳欣妍(左一)和譚凱倫(左二)。

楊天宇和郭奕芯最初知道有份參與《辣伙頭•開火》以為會好好玩,郭奕芯說:「唔似第一季咁,冇咗淘汱賽,本嚟覺得冇咁大壓力啦!」後來兩人才發覺一點也不容易,楊天宇說:「其實今次係考你Marketing同宣傳,煮嘢食都緊要嘅,但係成個Package。」

- 閱讀更多 -

往下看更多文章