「多功能老公」霍啟剛家庭日做外賣仔 霍震霆沙灘開心湊孫

去沙灘family day都要戴口罩

貴為霍英東集團副總裁的霍啟剛（Kenneth），身兼港協暨奧委會副會長和香港出版總會名譽會長，近日積極為業界爭取政府支援，雖然公事繁忙，但都不及Family day行程咁緊湊！在「封灘令」前的周末，Kenneth於攝氏30幾度高溫下，戴住口罩陪6歲大仔霍中曦（Lawrence）及3歲次女霍中妍（Laurissa）喺淺水灣寓所旁的沙灘玩，同行仲有74歲的父親霍震霆及外母。傍晚時，貼心的Kenneth化身「外賣仔」到附近的餐廳買定Dinner，再返回沙灘接仔女及幫老人家收拾曬太陽孖寶，即太陽遮同沙灘椅，而白到反光嘅霍震霆就拎住個口罩爽住返歸。

Kenneth幫老竇擔遮和櫈回家，霍震霆行得好輕鬆，孫仔孫女就尾隨爺爺。

Kenneth幫老竇收拾太陽遮，準備離開。

霍震霆摺極都摺唔埋張沙灘椅，最終要兒子出手。

曬到隻手兩截色嘅霍震霆拎住口罩及帽輕鬆行返歸！

最近，霍太郭晶晶接受訪問，透露不會讓小朋友繼承衣缽，反而希望仔女好好讀書，所以自幼便培養大仔Lawrence的閱讀習慣，而霍啟剛更早已買定4張書展入場券諗住帶妻兒去掃貨，可惜因第三波疫情在港爆發，貿發局宣佈書展延期舉行。

郭晶晶希望子女好好讀書，所以成日鼓勵囝囝多閱讀。

郭晶晶年初為霍家添多個B女「中怡」。

Kenneth本來已買定飛帶大仔和次女去行書展，惟書展最終延期舉行。

沙灘亦戴罩
因為第三波疫情嚴峻，專家已作出勸告希望市民盡量留家，不過大人忍到小朋友就難啲。早前傍晚5點幾，剛搬入逾1.6億港幣淺水灣豪宅的Kenneth，就同外母帶住大仔Lawrence及次女Laurissa去寓所附近的海灘玩水，而爸爸霍震霆亦有跟埋去，郭晶晶則未有同行，相信留家湊細女「中怡」。雖然當日攝氏30幾度，烈日當空曬到應一應，但穿白Tee、長褲加波鞋的Kenneth仍全程「罩」不離口，見佢踎喺側邊住一對寶貝玩沙同玩水，唔怕焗，防疫做足100分，真係抵讚！

爹哋吹雞返屋企，但大仔Lawrence唔願走繼續玩。

戴住口罩嘅郭媽媽除了陪乖孫砌沙，仲同孫女一齊落水洗「架生」。

Kenneth去寓所附近餐廳買外賣畀家人食。

穿波鞋長褲的Kenneth高溫下戴住口罩陪子女玩沙。

Kenneth早前化身「外賣仔」到寓所附近的餐廳買Dinner，又陪仔女去沙灘玩，玩完仲幫老人家收拾曬太陽孖寶，絕對係「多功能老公」！

多功能老公
其間，郭媽媽充當「小助手」幫兩個孫一齊砌城堡，霍震霆就瞓喺自備沙灘椅上享受日光浴，74歲嘅佢白到反晒光，身形算係咁！見差不多夠鐘食晚飯，Kenneth就開始勸仔女執嘢返屋企，郭媽媽亦帶住Laurissa落水洗「架生」，但Lawrence似乎意猶未盡繼續玩，Kenneth亦冇咁好氣，見老竇企起身摺起張櫈準備走，佢都即刻上前幫忙收遮、孭櫈離開。之後Kenneth又化身「外賣仔」到餐廳取回預先Order好的晚餐，「多功能老公」非你莫屬啦！最後要提醒大家，鑒於疫情嚴重，為己為人都係多留家中，就算外出都謹記戴口罩呀！

行政長官李家超宣布，政府已購入今屆巴黎奧運及殘奧播映權，並與3間免費電視台及香港電台達成轉播協議。

港協暨奧委會認為，政府買入播映權可以讓電視台的安排更具彈性，突破時差限制，更便利市民收看賽事，為國家隊及港隊運動員打氣。港協將展開巴黎奧運相關推廣及宣傳活動，帶動體育氣氛，期望活動更添社會凝聚力。

身兼港協暨奧委會副會長的立法會體育演藝文化及出版界議員霍啟剛表示，一直支持政府購入巴黎奧運轉播權，樂見政府再度出手。他又認為轉播賽事能有效帶動媒體宣傳，是體育產業化的重要一環。

霍啟剛FB

霍啟剛又指出，運動員身在外地比賽，十分需要市民支持，上屆東京奧運期間因為多家電視台受惠於政府購買轉播權，製作不少節目內容，令運動員能夠感受到市民的關注及支持，今屆轉播新增了香港電台參與，當局又會透過社交媒體推動，相信各電視台及有關機構在內容製作上，將會更多元化、更全面。

霍啟剛建議當局日後及早與電視台就播映大型體育賽事商討以不同合作模式，期望減輕政府負擔，同時加入市場競爭，毋須每次要政府包底。