*

勤力出新歌後專心湊B 準爸爸羅力威有晒準備挑戰夜奶

新歌出得密,原來係希望之後可專心迎接小生命來臨。

羅力威最近連環推出兩首新歌《旅行娃娃》及《廢物女友》,他坦言入行11年現在心態已不同,盡力寫出滿意的新歌後,不會太在意成績,給自己太多壓力,以往他甚至跟傳媒相處都有困難,但經驗累積加上太太雨僑正面影響,令他變更開朗更自在。而他這個準爸爸亦已做好準備,除了宣傳完新歌後會暫時放低工作專心湊BB外,更有晒心理準備挑戰艱巨的餵夜奶工作。

早前羅力威上育嬰堂,學做P牌湊仔公。

羅力威最近兩首新歌《旅行娃娃》和《廢物女友》,MV中均和女角有親密鏡頭。

羅力威解釋,新歌出得密,因為希望之後可以專心迎接跟雨僑的小生命來臨,「希望呢兩首歌啲人聽耐啲,我又有啲時間湊吓B,陪吓老婆生同復原。」出道11年的羅力威笑言心態和情況跟周杰倫一樣,由最初執着作品成績,好有壓力,到現在已睇得好開,盡力寫好每首歌便夠,「我嘅情況、心態同佢一樣,只係佢有人聽,我冇人聽咁解,哈哈!」

- 閱讀更多 -

往下看更多文章