馮德倫食豬腳麵線賀46歲生日 留台避疫陪老婆

唔駛講出口都夠曬

2016年，舒淇及馮德倫宣佈結婚，兩公婆各有各忙，大時大節或雙方生日先會貼吓合照放吓閃，咁恩愛唔一定要講出嚟，唔覺意滲出嚟先至甜死人。

兩公婆去咗宜蘭度假。

馮德倫喺台灣同老婆及林熙蕾等朋友仔過生日。

月初，林熙蕾喺IG貼出跟好友舒淇的合照，原來林熙蕾同舒淇及林心如約埋去宜蘭嘅民宿度假，同行嘅仲有三女嘅老公，星級夫妻檔齊齊去玩。從合照中可見舒淇托住頭，再貼住老公甜笑影相，少女味出晒嚟。

生日餐好豐富。

有添福添壽意思嘅豬腳麵線。

好有型嘅立體蛋糕。

因為疫情影響，陪老婆留台一段時間，8月9日生日嘅馮德倫順便在台過埋46歲牛一，生日餐唔係浪漫燭光晚餐，係唐餐；有蒸魚有瓜有菜仲有好緊要，台灣人傳統過生日必食嘅豬腳麵線。當然仲有生日蛋糕，蛋糕好有型，立體嘅，有個卡通馮德倫，仲有套鼓同埋一個寫上最帥導演嘅電影拍板。見到林熙蕾都有貼蛋糕相，應該有陪馮導過生日，生日快樂呀。

52歲保養得好好。

鍾鎮濤（阿B）2014年與太太范姜素貞結婚，育有兩女。 日前，舒淇與馮德倫在台北大搞結婚8周年派對，亦有邀請鍾鎮濤（阿B）與太太范姜出席，52歲的范姜以淺藍金繡入膊短旗袍出席，大晒美腿。

二人2014年結婚

鍾鎮濤有一子三女

二人結婚10年仍經常出雙入對

當日，舒淇與馮德倫邀請了不少港台圈中好友參與，包括「台灣第一名媛」孫芸芸、林熙蕾、林心如、楊謹華等，可謂美女如雲，而鍾鎮濤太太范姜素貞身型弗到漏，拍住其他美女如孫芸芸和楊謹華合照，亦影得皮膚白白滑滑。與一對主角合照時，短旗袍露出纖細的長腿，完全不像兩女之母。

范姜（右一）晒長腿

范姜（右一）即使拍埋其他年輕十年的凍齡女神合照亦無違和感