安全第一
新冠肺炎爆發第三波嚴峻，病毒更殺入電視城，本月8日娛樂新聞台一名導演確診並入院治療，其同住的三名家人亦告感染，而他潛伏期內有返過公司工作，TVB娛樂新聞台嘅台前幕後人員人人自危。
資料圖片
身為娛樂新聞台主播之一的周奕瑋(Jarvis)為咗安全起見都有去做檢測，噚日收到陰性報告後即時在網上報喜說：「跟各位報告一下，陰性！昨天收到娛樂新聞台導演確診的消息，由於我跟他在同一天工作，雖然沒有接觸，但安全起見公司也安排了我和其他幕前幕後同事進行病毒檢測。剛剛收到檢測報告是陰性，而其他檢測的同事也全屬陰性，總算放下心頭大石，不過為安全起見我也會自我隔離，希望導演和家人早日康復。這段時間謝謝各位朋友傳訊息關心我，也希望大家繼續小心防疫，戴好啲個口罩洗多啲手。#好啦我可以放心食飯喇#好啦我可以放心打機喇#好啦我可以放心溫書喇 #其實我仲有好多乜文乜文功課未做#不過算啦今晚只係想瞓返一覺好#壓力山大#呢張係舊相#檢測完我已經困埋自己冇出街#各位真係要戴好啲口罩小心洗手同埋消毒。」
周奕瑋收到陰性報告後放下心頭大石。
除咗做娛樂新聞台主播外，他的旅遊節目《周遊東京》相當受歡迎。
唔少網民留言叫他take care及保重，亦有溫馨提示，提示他只檢測一次未必作準，並叮囑他留意呢14日身體變化，可有屙嘔及發燒。與其匿喺屋企，粉絲叫他多啲開Live。
周奕瑋亦與其他同事齊齊主持旅遊節目。(資料圖片)
而昨晚TVB發聲明表示47名員工檢測結果全屬陰性：「因應娛樂新聞台導演確診一事，無綫電視今天安排了四十七名和他可能有接觸的職藝員同事接受新冠病毒測試，結果全屬陰性。公司在這兩天已將確診者或疑似緊密接觸者曾接觸到的地方，包括娛樂新聞台工作間及錄影廠等進行消毒清潔。」
黃翠如、周奕瑋及C君首度碰頭已經好有「火花」！
全新綜藝節目《渣打優先理財特約： Grand 住去台北》，由今晚（20日）開始，一共兩集於周六晚九點翡翠台播映。節目由拍攝旅遊節目經驗豐富的黃翠如及周奕瑋（Jarvis），首度夥拍名嘴兼「綜藝大腦」C君擔任主持，以「相愛相殺」的搞笑互寸方式，帶領觀眾體驗香港人最愛旅遊熱點之一的台北的不一樣豪華體驗，並齊齊首度體驗包機外遊滋味。
三位首度碰頭已經好有「火花」。
DoDO姐好搶鏡。
呢間一星米芝蓮餐廳嘅每一道菜都好有特色，三位主持都食很好開心。
以介紹衣食住行豪華新體驗為宗旨的《Grand住去台北》，今晚播出的第一集將介紹三大特色豪華體驗，包括連續六年獲得米芝蓮的一星當代料理餐廳、五星級豪華露營車體驗，及充滿藝術氣息兼有無限打卡位的台灣新興精品商場。先說米芝蓮一星餐廳，除了8道特色料理只需約970港元CP值夠晒高，每道菜選用的材料亦甚有特色，先後有紫色海膽汁、台灣地道蔥油餅，及檳榔入饌等，其中一味石班魚更令三隻搗蛋鬼玩個不停。食完大餐，三人與負責設計及主理菜式、來自香港的廚師Chef Kin閒談，Chef Kin開心share了在台灣創立富有自己特色料理的進程，並指料理特色是呈現「廚師本身的故事及心路歷程」，C君聞言即感嘆謂：「我哋食咗你嘅人生。」
食食吓仲搞埋爛Gag。
每一道菜其實都係Chef Kin嘅人生同經歷縮影。
翠如為咗影靚相無所不用其極。
Room Tour都搞到好歡樂。
球場得意嘅翠如，喺煮場就相當失意。
體驗露營車期間，翠如則模特兒上身大晒玉臂跪求「攝影擔當」C君影靚靚寫真，Room tour期間三人再度大玩床照沙龍，C君更驚爆翠如是風水物：「黃翠如係風水物，佢喺任何地方啲風水都好好多架！」之後三人各自在精品商場搵節目，翠如獨自到了一間以文青風做主打的書店尋寶，並大爆自己出Trip時的怪癖：「我去到唔同國家都會買一本書，仲要買當地嘅語言，所以喺唔同國家買嘅書，我全部都係睇唔明，但我就係鍾意擺喺度。例如我有本德文書、一本非洲雜誌等，雜誌係我好鍾意買嘅嘢，因為可以睇到當地人嘅生活。」
搞到C君嬲嬲豬。
翠如自揭怪癖，就係鍾意買埋啲睇唔明嘅書。
三人出發之前，在香港機場亦有趣事發生，就是偶遇了英文名叫DoDo的靚女地勤，DoDo更配合三位無聊的主持大玩爆肚式「角色扮演」，盡顯美貌與喜感一面，令C君大感驚艷之餘，亦為整集節目加添了一個小彩蛋。
Jarvis去咗學滑雪，個樣都幾驚青喎。
翠如另外仲去咗一個好有特色嘅展覽。
