娛圈事
有工返又開心
有乜開心得過同一班老友嘻嘻哈哈一齊開工？由唐詩詠、陳展鵬、陳山聰、林子善及劉穎鏇等主演、文偉鴻監製的新劇《超能使者》自5月開拍以來，眾演員不時於社交網站晒開心合照，子善表示整個團隊都好團結，山聰亦坦言好享受今次拍攝過程。
髮型姐姐指詩詠日日返工個樣都係發自內心地笑。
詩詠直言同台前幕後合作得好開心。
仲話呢班兄弟姊妹好正。
（左起）劉穎鏇、陳山聰、唐詩詠、陳展鵬及林子善開工都掛住打卡，好Chok！
唐詩詠昨日也於社交網站貼出花絮照，並留言：「髮型姐姐問我：『你拍呢套劇係咪拍得好開心？見你日日返工個樣都係笑嘅，唔係真係大笑，係內心發出來嗰種喎』諗一諗，成日係三十幾度高溫下拍攝，曬到變咗舊碳，拍到個人虛脫咁滯，然後返到廠拍，又凍到好似係雪地咁，又暖包又羽絨，但每日都係好想返工，我諗，我真係拍得幾開心 #超能使者 #呢班兄弟姊妹好正 #NT」不過拍攝即將來到尾聲，相信一班台前幕後都好唔捨得。
唐詩詠離巢後發展都唔錯！
兩年前離巢TVB的唐詩詠日前接受雷霆881商業一台《星光背後》專訪，於節目中親解離巢原因，更認無悔離巢，之後更罕談感情事，坦言自己不善溝通。
《當四葉草碰上劍尖時》是唐詩詠首部擔任女主角的劇集
入行20年的唐詩詠2017年憑《不懂撒嬌的女人》首奪視后，之後詩詠就瘋狂拍劇直至合約到期，她指2015年已欲外闖，「15年那時還會恐懼，確實係2017年拎完獎之後，我內心有諗法，我同自己講40歲後我要諗清楚想做啲咩，係我為自己設嘅deadline，感覺到自己要時間休息。」又透露「我係好鍾意演戲，但再咁拍落去，覺得自己無突破，演嘅角色都差唔多。而生活上，已經拍到好攰。如果我想有得揀，我必須要有足夠積蓄，所以離開之前狂拍劇，計過自己半年沒工作都可以養家，金牛座需要有好好準備先去做決定。」幸運的是，離巢後即接到廣告和電影，唐詩詠說：「我發覺恐懼源於習慣，離開後我即時接了一個廣告，也拍了兩齣電影，有可觀的收入，亦有不同的嘗試。」
2017年憑《不懂撒嬌的女人》首奪視后
唐詩詠離巢後更有機會到孟加拉探訪受童婚影響的女孩家庭，旅程令她人生一百八十度轉變，她說﹕「孟加拉嗰啲女仔好偉大好想讀書為其他人，我反觀自己當年有書都唔讀，只係為咗掙更多錢，好多野都係為咗自己。當年金融風暴，經歷父母離異，遇過好多人上門拍門追債，果時我認為無錢就會有好多問題出現，父母亦唔會分開。」
孟加拉旅程令她人生一百八十度轉變
提到80歲父親，唐詩詠更感觸哽咽，「第一次同爸爸、哥哥去日本旅行，有一晚得返我同爸爸兩個人食飯，雖然大家無講咩特別話題，但嗰次先至好似同爸爸真正相處。」
詩詠離巢後把握時間旅行
至於感情路崎嶇的唐詩詠情多個對象都未能開花結果，她分析因由說：「當然有好多原因，對方的原因我唔會講，我自己過去都是因為太注重工作，乜都工作行先，當然都會照顧另一半，但其實我一直唔識溝通，除左最長果段感情，對方一觸碰我的底線，我就會走！過去拍拖，我最弱就係溝通，我唔識將自己唔開心同另一半分享，我以為唔講出嚟就無野，最後對方會覺得『點解你唔開心唔同我講？』」當年唐詩詠與洪永城因劇集《載得有情人》而交往，唐詩詠透露分手原因是男方承受著壓力，而她當時不懂保護對方，導致兩人分手。
於節目中大談感情經歷
