同居女友親自操刀拍「祼照」 王曼喜懶理王敏德嬲豬

最緊要網民開心~

王敏德同馬詩慧有兩個女，兩個女都有好身材兼一樣鍾意Show身材，之前因為細女王麗嘉經常喺IG貼裸照而激嬲老竇王敏德，不過女大女世界，管唔到咁多。

王曼喜同女友熱戀中。

王曼喜同愛犬一齊沖涼，沖前影張相先，操刀嘅當然係Elaine。

今日輪到大女王曼喜（Kayla），自從公開同攝影師女友Elaine拍拖後，愈愛愈高調，不時在網上貼蜜照放閃。因為女友係攝影師，所以Kayla嘅IG都多咗好多佢嘅單人靚相，全部有構圖，仲影到佢個人索咗好多。最新有一張半裸浴缸照，身旁仲有一年前領養返嚟嘅愛犬scooby，張相完全見唔到重要部位，因為遮得好，畀你有無窮想像空間。唔知王敏德見到又會唔會嬲呢?

王曼喜IG多咗好多有構圖嘅靚相。

王曼喜同愛犬scooby。

王曼喜同女友領養咗兩隻狗狗，支持領養非常好。

王敏德一家及已融入王家的Elaine。

之前王麗嘉呢張相激嬲王敏德。

名模馬詩慧和王敏德結婚30年，育有兩女一子，近日，馬詩慧帶埋兩姐妹王曼喜和王麗嘉一齊坐豪華遊艇出海玩，唔單只馬詩慧著咗紫紅色比基尼騷火辣身材，王曼喜和王麗嘉亦十分性感，著咗黑色三點式嘆世界，愜意無憂的生活令人十分羨慕。

馬詩慧在社交平台分享靚相和短片，可見她身為三子之女仍充滿魅力，身形瘦得嚟又凹凸有致，身姿曼妙到完全睇唔出年齡，保養得非常好！而王曼喜和王麗嘉出晒名鐘意晒自己的靚身材，大長腿和豐滿的上圍令人睇到心心眼。三母女無論身材還是外貌都各有出眾之處，唔少網民都大讚：「太性感」、「太靚女啦」。