為靚景咩都得
MIRROR成員柳應廷（Jer）今日推出新歌《迴光物語》，早前為拍攝MV，Jer在酷熱天氣警告下特別前往鄰近邊境的蓮蔴坑礦洞取景，為拍攝最靚畫面在所不惜。《迴光物語》的MV講述Jer化身外星人，從第二個星球來到地球後的故事。為了靚景，拍攝當日Jer與工作人員先要搭半小時的車到達山頂，然後再登山100米，再落山，才能到達蓮蔴坑礦洞。從未試過行山的隊友Anson Lo，為了陪伴Jer，更奉獻第一次畀對方，認真夠兄弟。
Anson Lo奉獻第一次行山經驗畀Jer。
Anson Lo為防Jer溶妝，全程用風扇幫對方散熱。
Jer回想行山過程也不禁嘆道，這次是體力大考驗，「拍MV過程最辛苦係行山，雖然我平時都會行，但經過上次睇景試行之後，今日（拍攝當日）體力好透支，自己孭咗好多衫同水，拍攝時仲要着3、4件長袖衫又戴帽，喺酷熱天氣下，要長期用風扇吹住自己，等自己可以喺戶外底下個妝都唔會溶。」被問到可會再次行山拍MV，Jer也猶豫回答：「我都唔肯定，我唔知體力方面可唔可以頂到，同埋我見大家都好辛苦，實在唔忍心！」
為了這個景Jer覺得辛苦也值得。
Jer在酷熱天氣曬住拍，一點都不容易。
說到拍攝MV是體力的挑戰，今次演繹《迴光物語》對於Jer來說亦是音域上的挑戰，「今次呢首歌難度係音域較闊，Carl叔叔（王雙駿）要我用好澎湃情感去演繹呢首歌，到歌曲尾段係有少少難度，《迴光物語》比《水刑物語》難十倍，所以之後唱Live都有少少驚，但要練多啲，等自己唱好啲。」
前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。
陳卓賢（Ian）推出新歌《Thank You Postman》。
《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」
相關影片可以按以下畫面觀看：
VIDEO
影片連結：
Ian到英國巡唱趁機拍攝新歌MV。
歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。
因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。
Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。
由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」
難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」
情歌系列作品第二章。
今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！
Ian欲寫信回饋粉絲愛意。
