減肥都要輕鬆吓嘅
姜濤喺台灣拍緊偶像劇，收工有時間就周圍行吓，尋晚佢就去咗跑步，跑到河邊仲要影低發IG Story「我找到河了」，之後發現有籃球場仲興奮到以高八度聲線話「籃球場呀」，一向鍾意打籃球嘅姜B仲忍唔住落場玩兩手，不過佢全身黑，環境又黑仲要郁嚟郁去，張相勁難cap。
Stanley笑姜濤減肥但又忍唔住食燒雞，被發現嘅姜濤即刻嘟嘴。
工作完食啲香口嘢慰勞吓自己唔過份吖，食啦姜濤。
姜濤表示隻燒雞唔係佢買。
仲發現咗籃球場，佢忍唔住玩咗一陣。
姜濤跑步發現有河。
另外，同姜B一齊喺台灣拍劇嘅MIRROR隊友邱士縉(Stanley)上載咗姜B開心食燒雞嘅短片，仲問佢仲乜減肥都買咁大隻雞？姜B即刻嘟嘴撒嬌，話係同行嘅工作人員買，得意樣令到一眾在港「姜糖」大叫好可愛！
MIRROR衝出香港。
MIRROR前晚（11日）抵達紐約為今日（13日）在UBS Arena舉行的巡唱作準備，騷前12子更應當地FOX及CNN電視台邀請接受訪問，共由Anson Lo、Ian陳卓賢及「大表哥」Stanely邱士縉全程用流利英語回答。
MIRROR前晚抵達紐約，大批粉絲應援偶像
MIRROR亦到CNN接受訪問
於FOX 《Good Day New York》7分鐘的訪問環節內，前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時，Anson Lo先表示感受到粉絲對他們的支持，令他們感到非常溫暖同被愛戴，意想不到地見到咁多鏡粉接機。而當主持問及有無四圍行或者食下Pizza，Ian就話只是剛下機，睡了兩小時便急不及待到FOX接受訪問。被問到想跟誰人合作？邱士縉Stanley表示：「一定係Dame D.O.L.L.A，我哋都超級興奮，因為部份成員都係NBA球星嘅擁躉，所以能夠同Dame合作，係莫大嘅榮幸。」
前半段先表演新歌《DAY 0》
Stanley表示最想同Dame D.O.L.L.A合作
Anson Lo全程流利英語回答
Ian 都係英文擔當之一
大表哥英文都幾好
有網民睇完訪問指對MIRROR另眼相看：「嘩！衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。
事後，12子表示感到非常榮幸可以接受FOX《Good Day New York》訪問，而Anson Lo更表示「好奇妙」，「我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係好好嘅第一步，令我哋更加有動力繼續前進。」而Edan亦說：「因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」
