好充實！
身在上海準備的溫碧霞(Irene) 已在酒店完成了一星期隔離，日前已搬到朋友空置的寓所繼續隔離，Irene的隔離日子完全不愁苦悶，睇書、睇劇本、做運動，搬進朋友家後更加開心地煲靚湯，甚至影長腿相自high一吓。
Irene感謝朋友借出大屋，讓她可以舒適地隔離。
溫碧霞隔離期間不愁寂寞，煲吓靚湯，晒吓美腿又過一日。
飲咁多養顏湯水，唔怪得Keep到副咁fit嘅白滑身材啦。
由於之前在酒店每日三餐都是吃飯盒，吃到有點悶，來到朋友寓所有個靚廚房，馬上大顯身手下廚：「我喺屋企成日都飲靚湯，木瓜、豆腐、雪耳、三文魚、雞腳、花生，養顏好味，又可以保養皮膚，非常健康，尤其是女仔，要多喝湯水，皮膚就會好啲，平時工作太忙，都係工人煮飯，真係好耐冇自己下廚啦，好難得隔離緊都可以煮飯仔。因為唔可以出街，全靠上海嘅朋友幫我買餸，放喺門口。」她表示倒數出關還有三天，8月15日就可重獲自由，之後隨即開工，但她也會做足防疫措施不會鬆懈。
溫碧霞(Irene)對於衣著非常講究及尊重場合，每次出席活動皆以一番悉心打扮亮麗現身，而14日以嘉賓身份出席香港電影金像獎頒獎典禮，穿了一襲純白色露肩羽毛晚裝，再配以英皇珠寶贊助全套價值百萬元鑽石耳環、手、頸項、戒指首飾，淡雅之中不失華麗。對於劉嘉玲在頒獎禮上的「龍蝦」晚裝，Irene十分欣賞，讚謂：「只有劉嘉玲才可以駕馭，霸氣十足呢！」
以嘉賓身份出席香港電影金像獎頒獎典禮
以嘉賓身份出席香港電影金像獎頒獎典禮
穿了一襲純白色露肩羽毛晚裝，再配以英皇珠寶贊助全套價值百萬元鑽石耳環、手、頸項、戒指首飾，淡雅之中不失華麗。
Irene恭喜所有得獎者及有份入圍提名的每一位，她說坐在台下感受到香港電影人的專業精神一直沒改變過，期待未來香港電影可以再創高峰，而今年她亦有兩部電影今年上映《731》及《如果人魚不劈腿》相當期待，希望明年的金像獎頒獎禮也有份以候選身份出席。
Irene恭喜所有得獎者及有份入圍提名的每一位
期待未來香港電影可以再創高峰
當晚Irene好開心重遇不少電影好朋友，尤其遇上當年第一部電影出品人兼恩師梁李少霞（梁太）及15歲時在街上發掘她的文雋，記起當年第一部電影《靚妹仔》被提名金像獎「最有前途新人獎」，她感激說：「當時沒錢，梁太送了一條好靚的裙給我出席金像獎，又給我入住她的渣甸山屋企，雖然中間有些誤會，但我在心中永遠當梁太是我的媽咪，我有今時今日最要多謝的人，就是梁太！」Irene更憶念起《靚妹仔》導演黎大煒，她說聽聞黎大煒正居於北京，好想可以再跟他重聚。
當晚Irene好開心重遇不少電影好朋友，尤其遇上當年第一部電影出品人兼恩師梁李少霞（梁太）及15歲時在街上發掘她的文雋
