晒幸福寫真同老公「鬥大肚」吳若希笑問：究竟邊個懷孕？

娛圈事

晒幸福寫真同老公「鬥大肚」吳若希笑問：究竟邊個懷孕？

2020年08月12日 21:44 最後更新：21:44

原來「索媽」鍾嘉欣係吳若希榜樣。

佗第二胎嘅吳若希(Jinny)喺疫情下，留喺屋企安胎一個月，悶到不時喺社交網度發帖。昨晚她喺IG晒老公何兆鴻（Alex）嘅「鬥大肚」相，笑問︰「究竟邊個懷孕？」

今日輪到Jinny晒巨肚，她喺IG再分享今胎大肚寫真照，相中Jinny坐喺草地上，咁摸住巨肚，臉上流露笑容，營造一面幸福模樣，連鍾嘉欣都大讚Jinny係靚媽，有女神加持，Jinny開心回應：「You are my role model.(你是我的榜樣)」

往下看更多文章

吳若希與老公肉緊啜囡囡面珠慶7歲生日激罕公開Giselle正面樣

2024年04月24日 20:00 最後更新：04月25日 12:01

Giselle與媽媽如餅印一樣

31歲吳若希（Jinny）於2017年與何兆鴻（Alex）結婚，並育有一女一子，Jinny亦都經常會在社交平台分享一家四口的相片，但一直將女兒Giselle（淼淼）保護得好好，幾乎沒有公開過她的正面樣。4月23日是Giselle的7歲生日，Jinnypo相為她慶生的同時，終於公開女兒相貌，與媽媽如餅印一樣！

近日Jinny在社交平台貼出慶祝女兒生日相片，她和老公一如以往左右夾擊啜囡囡面珠，並留言：「我真係唔知可以再啜到去幾多歲，今年已經啜到好似要打交咁。」激罕曝光Giselle正面，與媽咪吳若希如餅印一樣，Jinny寄語囡囡：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。」Jinny感歎時間過得很快，轉眼間，女兒已經七歲，「開始慢慢接觸外邊的世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情，媽媽愛你！」網民亦留言大讚：「家姐似足mama你大眼睛咁靚女」、「家姐好靚女，未來香港小姐，又遺傳媽咪咁高。」