娛圈事
好得意！
每個人都難免有黑歷史，就算靚仔如林德信（Alex）一樣唔例外，不過似乎佢唔多介意畀人知道，仲公開自己細個係肥仔嘅珍貴相，另外再貼多張靚仔近照，外表同甫士變化都真係好大㗎！
Alex細個同妹妹嘅合照，肥嘟嘟真係好可愛㗎！
依家嘅Alex真係靚仔到冇朋友。
佢留言話：「Been posing since baby...Which pose is better#fatalex（從BB開始就擺姿勢...邊個姿勢更好）」
林德信一次過貼出兩張相，變化真係好大。
網上圖片
雖然好難想像相中凸出個大肚腩嘅肥仔係Alex嚟，但係講真肥版嘅Alex其實好趣緻，特別係個鬼馬甫士㗎！
林德信透露見到哥哥同妹妹生完小朋友好似好開心、好Sweet，所以都想生BB。
林德信（Alex）與孫曉賢（Kendy）日前出席酒吧騷「Singleton Sip or Speak」，二人一早到場綵排，仲彈結他Jam歌，好快全場氣氛高漲大合唱！Alex就話二人同年出道，當年更同屬一間唱片公司，笑言呢次音樂演出似「重聚」，「其實我同Kendy都鍾意飲嘅，所以次次見面都會飲翻杯，有一次酒吧撞到佢，諗住飲杯聚吓就算，點知突然落大雨走唔到，睇嚟都似個天要我地聚多一陣。」
林德信與孫曉賢日前一同出席酒吧騷。
剛剛完成婚禮的Alex剛渡蜜月回港，佢就話呢次唔算「Honey Moon」，因為全家都參與其中，忙於打點無閒「造人」：「好多年都冇成家人去旅行，呢啲機會要好好享受吓，哥哥同妹妹幾年冇見面，連姨甥都係第一次見面咋！見佢地生完小朋友好似好開心、好Sweet想生BB，長輩都冇催我吧，生仔生女都冇咩所謂。」
林德信完成婚禮兼渡蜜月回港。
Alex指今次渡蜜月，全家都參與其中，所以無閒「造人」。
直言想生BB，生仔生女都冇所謂。
Alex就話希望來年想搞個人騷，Kendy反建議對方搞音樂節，將音樂、瑜珈、茶道大結合，Alex即席邀對方參與：「『造人』、『搞騷』唔怕一齊嚟嘅，呢啲係自己嘅挑戰，可以同步進行，可能半夜返去幫手餵奶，之後朝早再出去唱歌。」
Alex又希望來年想搞個人騷。
Kendy就建議對方搞音樂節，將音樂、瑜珈、茶道大結合。
雖然蜜月與親友同行，Kendy亦有參加，笑言Alex朋友「夠搞笑」，「佢有個法國朋友，突然用廣東話唱『少林功夫好』，真係全場都好surprise。（合眼緣叫Alex介紹？）人地有家室喇，唔好搞呢啲嘢。佢嘅Wedding真係好正，我聽到佢話想要小朋友都幾Surprise，我突然覺得佢有外父相。」
原來Kendy亦有參加Alex的蜜月之行。
而Kendy剛從日本回港，完成當地兩場音樂會，「見到有好多香港人專程嚟聽，佢地好掛住廣東歌。我都寫咗篇日文嘅謝詞，以為會好緊張，點知講講吓都喊晒。今次見到當地好多美男子，不過就冇艷遇，希望下次去再開騷時，帶埋艷遇返香港就幸福啦！」
Kendy剛在日本完成兩場音樂會。
Kendy笑指今次冇艷遇，並希望下次去再開騷時，能帶艷遇返香港。
