個唱延期歌癮大發 梁漢文IG自彈自唱粉絲高興

當為個唱做準備

梁漢文(Edmond)原定10月在紅館舉行第5次個人演唱會《天天在家》演唱會，當時Edmond努力操fit自己，為個唱做好準備。可惜事與願違，Edmond的紅館個唱因新冠肺炎疫情未明而延期。

雖然唱《501》唱得幾好聽，但段片收音就唔太好。

不過，早前譚詠麟在社交網上載一張與Edmond及警隊高層謝振中的合照引起網民爭議，導致Edmond被洗版式聲討。其後Edmond發文澄清自己並非主動要求合照，卻未能平息事件，有人猜測合照事件影響形象及售票，個唱才被逼延期。

Edmond指鋼琴於17年演唱會時買下，琴鍵發音完全亂了。

即使個唱被逼叫停，Edmond仍然努力繼續練歌寫歌，近日在IG分享修理鋼琴的趣事:

早前呢張合照引起海嘯式爭議。

「個琴突然痴咗線，啲音亂晒籠，希望呢兩位朋友可以幫我將部琴回復正常，繼續練歌寫過😊p s :如果部琴搞掂番搵個機會做個live俾你哋睇，有興趣嗎？」修好鋼琴馬上自彈自唱當年四台冠軍歌《501》,，一展歌喉。

合照事件冇影響Edmond做運動的決心，繼續掙扎，鍛鍊精氣神。

之前Edmond好聽話，戴住口罩去跑步。

Edmond今日在IG上載彈琴影片，為睇唔到演唱會的fans止癮。

今日Edmond又上載一段彈琴短片，只見佢彈出代表作《纏綿遊戲》，純琴聲冇唱出嚟。「今朝8點醒咗，無唱到PS:可能未開聲，咁不如彈個鋼琴版俾你地唱下😉唔識唱要打PatPat😂其中一首大家嘅至愛❤」粉絲紛紛留言，一大早就聽到偶像唱歌，非常開心。

進入結局周的《香港人》劇情越趨緊張，陳展鵬將吳若希嬲到離家出走之後，梁漢文彈琴冧吳若希勁浪漫！

由鍾澍佳總監製、黃國輝監製、陳翹英編審的台慶劇《馬百良安宮牛黃丸呈獻：香港人在北京》，周一至五晚9點半翡翠台播映。進入結局周的《香港人》劇情越趨緊張，30日講到Helen（吳若希Jinny飾）踢爆港仁（陳展鵬飾）隱瞞與蘇菲（蔡潔飾）同遊珠海，Helen嬲爆向港仁興師問罪，港仁解釋隱瞞此事只是擔心她會胡思亂想，Helen聞言再度怒火中燒：「點解我同蘇菲有一個一樣嘅手袋，就係因為你做錯嘢，就係因為你覺得對我唔住，所以買番個手袋氹我開心！」、「如果我唔係搵人查你，我一世都唔會知！」港仁反斥Helen暗中調查他，拋下一句：「我哋兩夫妻，搞到你查我我查你，咁就叫做信？」最終Helen嬲爆離家出走，兩夫妻關係陷入冰點！

Jinny嬲到離家出走，展鵬最終點樣氹番個老婆呢？

展鵬與Jinny於這場攤牌戲演繹到位，兩人你一言我一語谷到眼紅紅，Jinny的落淚表情更是令人心噏，戲味十足！展鵬受訪時坦言這場攤牌戲拍了幾個Take：「我希望盡量搵到個好節奏，演到嗰種真實感。畢竟我哋都結咗婚係過來人，現實中喺屋企少不免都有啲嘈吵同磨擦，有時都會傷到個心，更何況我同Jinny喺套劇中有第三者介入，係件好嚴重嘅事，希望呢場戲演到嗰種真實感。」提到不少網友大讚他與Jinny火花十足，展鵬說：「我對Jinny嘅評價都好高分，平時我好少同對手講應該要點演，我覺得真正嘅好拍檔要因應住大家嘅感覺去合作，亦都好多謝Jinny咁信任我，如果佢唔信任我，出到嚟嘅CP感唔會咁強。」講到Jinny於《香港人》的演出獲讚有驚喜，展鵬說：「作為佢嘅拍檔當然為佢感到開心，證明我同佢嘅互動好有火花！之前同過唔少女演員合作，但同Jinny合作係有啲唔同，始終佢演戲經驗比較新，但佢對角色拿捏得恰到好處，演出笑中有淚嘅感覺。」

展鵬同Jinny呢場攤牌戲勁有戲味。

展鵬同Jinny谷到眼紅紅。

展鵬同Jinny谷到眼紅紅。

Jinny嘅喊樣睇到人心都噏埋！

梁漢文彈琴冧吳若希勁浪漫

另邊廂，離家出走的Helen陰差陽錯下搬到張帥（梁漢文Edmond飾）家中「同居」，Helen遂發現張帥家中有一間神秘的房間，好奇張帥是否如電影《格雷的五十道色戒》的男主角一樣置有「玩具房」！但原來該神秘房間並非「玩具房」，只是張帥擺放鋼琴的房間，他向Helen躺開心扉透露自己是單親家庭長大，其中一部鋼琴是獨力湊大他的媽媽所贈送，惟五年前媽媽過世，之後他便失去寫歌的靈感，最終在Helen的鼓勵下，張帥學會釋懷並為Helen演湊鋼琴，場面浪漫。對於這場彈琴戲，Edmond在花絮片中透露是他最印象深刻的一場，他說：「我好重視呢場戲，因為我知道呢個劇情對部劇好重要，喺講晒自己嘅心底話之後，再要打開鋼琴去彈琴，係我好深感受嘅一場戲。」

另邊廂，梁漢文帶Jinny去拍拖搵番戀愛嘅感覺。

兩人陰差陽錯下畀手扣鎖住，場面搞笑。

之後會玩埋「同居」添！

梁漢文向Jinny坦白自己嘅身世。

梁漢文彈琴冧Jinny，場面好浪漫！