為新歌親自作詞 Anson Lo@MIRROR自爆中學俾女飛

Anson笑言最初主動話負責寫詞時嚇窒監製。

Anson形容《Burn Out》是自己嘔心瀝血作品，希望下次能創作一首包辦曲詞的慢歌。

Anson Lo（盧瀚霆）繼《一所懸命》後推出第二首單曲《Burn Out》，更首度親自作詞。他坦承最初主動話負責寫詞而嚇窒監製，幸好最後靠香薰蠟燭搵到靈感，更自爆創作時想到中學跟同班女同學拍拖慘被飛經歷。另外，Anson近日再有新嘗試，就是遠赴台灣拍攝首部偶像劇，他坦承起初好緊張，幸好早前經過拍《男排女將》訓練，令他對演戲興趣大增。

新歌以蠟燭做主題，原來亦跟Anson中學一段情有關。

這次作詞決定原來是Anson聽完Demo後主動向監製Edward Chan提出，不過這舉動竟嚇窒了對方，「佢話『吓！』我話係呀真係好想作，可能OK。佢就覆我『OK!wait for good new.』但我突然覺得好大壓力，如果返嚟嗰個唔係good new咪死梗，但係我覺得既然想作就作好佢啦！」

Anson為拍《Burn Out》MV有更fit外形，連續30小時未有進食。

Anson搵來肥仔為《Burn Out》編舞，拍MV時肥仔跟到足相當落力。

Anson限自己一周內要完成歌詞，但想了幾晚都未搵到主題，一晚打算放棄吹熄香薰蠟燭去瞓，反而得到靈感，「突然間啲煙冒起，一吹就熄咁鬼易嘅，好似一段關係咁，令我突然諗起中五、六一段感情，我同個同班女同學拍拖，唔係初戀嚟，我諗半年度佢就突然間同我講分手，係SMS講但冇原因嘅，我覺得好無奈，keep住SMS轟炸佢，但佢唔覆，返到學校佢又當我好似陌生人咁，我同佢講嘢佢又唔睬我，我覺得分手唔緊要，但起碼畀個原因我。可能好多人試過呢個經驗，或者分手後好想同嗰個人一齊返，好多人會有同感，所以我就用咗蠟燭同分手掛鉤嘅一個主題。」

Anson父母一直好支持他入行，媽咪更會經常鞕策他。

Anson近日已飛到台灣拍偶像劇《超感應學園》，他承認早前演出《男排女將》對今次演出有好大幫助，「拍《男排》角色對白多好多，一開始我太緊張，集中唔到又享受唔到，口又震晒，大家笑我好chok，又話個偶包（偶像包袱）仲喺度，我唔係專登chok，因為太緊張嘅氛圍，唔可以好似正常人咁講嘢，去到中期好咗好多，令到我覺得記劇本唔係一件咁難嘅事，一開始通知去台灣都驚，但拍完《男排》對拍劇大興趣好多。」

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。