拍戲都有話：我希望係......一萬年
有網民在討論區發文「其實公屋係咪應該限住年期？ 」。資料圖片
「私樓貴買唔起，抽居屋又爭崩頭」，是港人上車必經的心路歷程。在樓價高企的時代，被稱為「窮人恩物」的公屋單位，輪候時間至少5年以上，但仍難阻後生仔甫畢業即排隊，就是為博一個上車機會。
資料圖片
事實上，坊間有不少公屋單位翻新個案，業主一擲千金將公屋單位由老土變時尚，而且每月租金比租的樓更經濟，令剛投身社會的年青人，對公屋的鍾情度有增無減，「條隊愈排愈長」。日前，有網民在討論區發文「其實公屋係咪應該限住年期？ 」，藉此迫「公屋仔」發奮向上。
樓主認為，政府應將公屋居住年期定為十年，期間讓住戶有足夠時間儲錢，到年期屆滿可選購居屋向上流，讓每個人受惠到福利政策，「年輕人又唔會負擔唔起樓價 」。帖文一出，隨即引起一眾網民參與討論。
資料圖片
有網民贊同樓主正確方向,「新加坡公屋（非組屋）都係有居住年期，到期要嚴格審查先可以繼續住」、「其實公屋先係應有權利 」，「唔生（小孩）真係住一世都okay 」，最重要是居屋要有合理價錢。
資料圖片
不過，亦有不少意見認為，與其限住公屋，不如「叫政府起多啲公屋 」、「到時樓價又升，變相益地產商 」、「香港公屋政策養懶人 」；其後，有網民指出問題在於居屋出現斷層，令公屋市場需求有增無減。各位苦等上車的年青人，你又點睇？
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
