肥仔勁舞冇難度 !
何遠東個名一直膽拖肥仔兩字,不過因為疫情沒有工開又成日在屋企,「肥東」為令Stay Home生活更加充實,把心一橫豁出去減肥,最後用了3個月激減30磅,從「肥東」變「瘦東」,日前更公開減肥成果照,嘩嘩嘩真是瘦了好多呀。
人生終於搣甩個「肥」字,何遠東好開心,今日就在IG分享幾張於2009年在「歌神」許冠傑演唱會表演的照片,並留言:「好耐冇入紅館,咁睇住啲相先啦!」自稱是「舞男」的阿東憶述當年在紅館跑勻四面台,又叫網友留意一張「爆點」相,相中阿東半裸晒「厚切豬腩肉」,胸前一點就打了粒荷包蛋,對畀今日瘦瘦的何遠東,成件事真是好勵志。