黃智賢煮勁多餸同老婆撐枱腳

食唔食得晒呀？

黃智賢同老婆撐枱腳呢份晚餐勁豐富，難怪畀網友笑。

Ben煮到笑笑口，就知佢幾享受下廚啦！

黃智賢（Ben）向來廚藝了得，疫情期間佢更喺社交平台以「快樂廚房」做主題，分享下廚樂趣同烹飪心得，吸引咗唔少粉絲支持，之前仲搵埋好兄弟鄭嘉穎嘅老婆陳凱琳一齊整甜品。

是日晚餐有當造無花果、宮崎牛、帶子同三文魚。

黃太年前轉行做畫家，仲喺屋企開埋畫室，Ben在家下廚啱晒。

早前Ben邀請陳凱琳一齊「快樂廚房」。

呢日Ben又出動，為同太太嘅晚餐落足心機，睇片見到呢晚真係相當豐富，佢留言話：「兩口子晚餐！#當造#無花果#宮崎牛#帶子#三文魚#星期五晚餐#黃智賢快樂廚房」由於份晚餐實在太大碟，搞到網友除了勁羡慕黃太，猛話「做你太太、真係幸福」、「你快樂廚房，黃太更加快樂~」、「哇！米之蓮水準啊！你老婆真幸福」外，仲轉移到佢哋「兩口子」食唔食得晒，「兩口子？真的能吃完嗎？」、「10口子都食得落啦！」、「好正！煮太多了。我過來吃吧！」。

澎湃胸肌加六塊腹肌獲圈中好友讚Fit爆

現年56歲的黃智賢（Ben）在熱播的《逆天奇案2》飾演高級督察Nic Sir，當中有不少打戲，靈活敏捷的身手令人印象深刻。近日黃智賢在社交平台派福利，po爆肌自拍，連江嘉敏都留言申請要睇又要摸！

黃智賢飾演高級督察Nic Sir。

堅持keep fit

黃智賢對自己身型管理非常嚴格，經常做GYM健身，日前他在IGpo騷半裸爆肌爆汗相，可見他半裸上陣，胸肌結實且腹肌線條清晰，並留言：「練的是身體；磨的是鬥志！為新角色裝備自己！郭大俠 加油！#武林」，獲不少圈中好友留言稱讚，袁偉豪留言：「嘩Ben 哥哥有料到」，曹永康表示：「可唔可以摸下呢？」，袁嘉敏留言：「哇哇哇！爸爸你應承咗比我（望望摸摸）」

身材好好

引圈內好友留言