犀利。
曾樂彤日前推出新歌《天空之門》。
曾樂彤日前推出新歌《天空之門》，她表示最初聽到Demo時覺得這首歌很有動漫的感覺，「就好似喺天空、草叢中奔馳。」故MV亦以動畫方式展現，惟MV中的女生並非以曾樂彤為藍本，她解釋：「因為個女仔可以係任何人，令到睇MV嘅人更加可以代入自己。」
新歌MV以動畫方式展現。
曾樂彤直言今次錄歌時間好漫長，可算是出道以來最難的一首歌。
至於另一主角昰兔仔，兔仔代表已遺忘的好奇心，「其實好多戲或童話裏面都有出現兔仔，我對兔仔嘅諗法，就係佢代表住一個好奇心，每個人都會有一種好奇心，譬如你突然間遺失咗一樣經常掛喺身邊嘅嘢，就好似好奇心咁，人愈大嗰樣嘢你就會唔記得咗，但其實一直喺你身上，只要你anytime重拾番嗰樣嘢嘅時候，佢就會帶到俾你無限嘅可能性，或者係一個未知嘅將來，呢個就係『天空之門』，打開對門後係一個未知。」
曾樂彤
談到今次跟作曲、編曲及監製的Cousin Fung第三次合作，曾樂彤說：「每次同Cousin合作都有啲唔同，佢很有耐性，用一個奇特嘅方法指導我，令我更加可以好好地咁運用聲線。佢今次對我嘅要求提高咗，例如喺唱腔、細節位都好嚴格，所以錄呢首歌係一個很漫長嘅過程，可以話係出道以嚟最難嘅一首歌。」
曾樂彤首次踏足沖繩，與《就是青春》學員遊沖繩發掘隱世咖啡店。
相信好多香港人都去過沖繩，但未必好多人會專登去探索當地咖啡店！ HOY為香港人泡製又一個別具特色的旅遊節目，由人氣歌手曾樂彤及一眾《就是青春》學員林躍翰（John）、阮偉倫（Kris）、曾琸庭（Alice）、陳心余（Wuba）帶隊的《就是青春》由下周一（28日）起，星期一至五晚上8時30分至9時正於HOY TV 77台播映。曾樂彤及一眾團員將會帶觀眾漫步穿梭沖繩巷弄與海邊，體驗當地慵懶閒適的生活步調。原來今次係曾樂彤首次踏足沖繩，難怪她表示「一知道係去日本沖繩就好興奮」，而年紀細細的一眾學員就覺得可以跟曾樂彤去旅行「簡直難以置信」！
行程一開始曾樂彤就向團員透露，原來她一直夢想開一間自家咖啡店，更即場指派各團員在沖繩各地搜集資料，希望一旦願望成真，都可以預埋大家一份。大隊隨即去了沖繩數一數二的讀谷村海景咖啡店，置身於海岸線上，一邊飲咖啡，一邊飽覽360度無敵海景。
一場來到沖繩，又點止飲咖啡咁簡單，一眾團員各自探險，而John就神神秘秘為Alice送上驚喜，帶女仔去海邊，以為係送禮物，原來竟然係去海邊剪頭髮！到底一頭長金髮到腰的Alice會否應承呢？
而當一眾團員以為上山只是尋找咖啡豆，誰不知節目組早已安排一連串超刺激活動，見到高空懸崖飛索時，大家都膽戰心驚，不過一場來到沖繩，無理由不試玩。雖然Kris見到懸崖已經腳仔軟大叫不了，不過在一眾團員大叫「奸巴爹」鼓勵下，終於齊齊順利飛過懸崖。
由曾樂彤帶隊，加上一眾青春無敵團員，帶你遊沖繩飲咖啡做文青兼上山下海，8月28日起在HOY 77台晚上8時30分至9時正播映。
