Vivian話既然遇唔到一首自己好鍾意嘅歌就不如唔出。
J2《我們的音樂時代》最後一集，主持許文軒（Edmond）邀請周慧敏（Vivian）及音樂人伍仲衡（Harry）成為壓軸嘉賓，二人大談相識到合作無間的關係。
周慧敏和伍仲衡接受主持許文軒訪問。
Harry說：「早在中學時期已為周慧敏鋼琴伴奏《天荒愛未老》，可惜當時未有合照，好彩上天對我不薄，畀我識到Vivian。」Vivian說：「本身2006年啱啱識Harry，我好多年冇做騷，諗住造隻新歌，不過一定要最鍾意，最啱心水先至會錄，當時Harry的確寫咗首歌畀我，經過一輪考慮，到我話畀佢知我要首歌時，首歌已經賣咗，最後首歌變咗楊千嬅嘅《原來過得很快樂》，既然遇唔到一首自己好鍾意嘅歌就不如唔出，所以嗰次就冇新歌做騷。」
周慧敏心儀伍仲衡所作的歌，後來變成了楊千嬅的《原來過得很快樂》。
06年，周慧敏在紅館舉行了3場《Back For Love演唱會》，因找不到心儀歌曲，演唱會並沒有新歌做主題曲。
談到二人默契十足，Vivian說：「我同Harry比較夾，準則都好相近，所以大家唔使拗。直到2011年開演唱會我哋先第一次合作，佢寫咗首《無雙譜》畀我，其實我對旋律好腌尖，但一聽個Demo已經好鍾意，好感動，佢嘅作品最令我毛管戙，到佢再寫《咖啡在等一個人》畀我，我亦一聽就滴咗眼淚。」Harry說：「畀Vivian聽Demo，佢冇感覺嗰啲係唔會覆，即刻覆我嗰啲Demo，真係好鍾意，《無雙譜》佢唔夠2分鐘即刻回覆我Email。」
原來當年王菀之參加「CASH流行曲創作大賽」的報名表，由伍仲衡冒其簽名代交。
節目中Harry更談及王菀之（Ivana），原來二人交情亦非淺，「Ivana未做歌手之前，幫我唱咗好多Demo，大概十幾二十首，佢喺加拿大讀書，每年暑假返嚟香港都會幫我錄，我就幫佢造Demo，佢就幫我唱Demo。另外我仲叫佢參加CASH流行曲創作大賽，當時佢喺加拿大，我仲幫佢冒簽名填Form報名，大家都入咗圍，最後佢攞冠軍，我攞亞軍（你輸咗畀佢有冇啲後悔幫佢冒簽名？）係喎！早知唔同佢交Form。」
