表面恩愛話散就散 細數突爆離婚藝人

正所謂一家唔知一定事

近日林曉峰和康子妮結束18年婚姻，明明上年先一齊參加ViuTV真人騷《愛我嗎？愛你媽！》，外界一直覺得兩人好恩愛，驚爆離婚實在令人唏噓。其實唔少娛圈夫婦拍拖時被捧為金童玉女，但都難逃一「離」，有夫妻結咗好耐先離婚，有夫妻只維持年幾貨仔就發現唔適合，緣份嘅嘢真係......而家就同你細數邊幾單藝人突爆離婚震驚全城。

艾威、圈外太太Lisa：18年

艾威、Lisa  結婚 18年

艾威與圈外太太Lisa今年5月宣佈已分居。14年Lisa的子宮生巨瘤，同時艾威轉投的HKTV申請牌照失敗，即使遇上失業和大病，二人依然一齊跨越困難，可惜仍不敵生活上的意見分歧，結束18年婚姻。

所謂一家唔知一家事，星級夫妻要維持婚姻更加唔容易，邊個唔想白頭到老吖。

魏駿傑、張利華 結婚 12年

魏駿傑08年和張利華結婚，3年後生下女兒Jessica。去年張利華被揭背夫偷食外籍男士，事後魏駿傑坦誠二人感情早已出現缺痕，今年正式離婚。

魏駿傑、張利華：12年

梁靜茹、趙元同 結婚 9年

梁靜茹及富商趙元同於10年步入禮堂，14年生下兒子Anderson。梁靜茹經常在自己的社交平台分享一家三口的生活照，19年2月還一起飛到馬爾代夫慶祝結婚週年紀念，但在同年9月就婚變。其實趙元同曾被爆出軌兩次，婚姻危機一直存在。

梁靜茹、趙元同：9年

趙式芝、楊如芯 結婚 7年

趙式芝12年4月與同性伴侶楊如芯結婚，雖然惹來父親趙世曾強烈反對，但趙式芝不為所動。有指趙式芝14年接棒業務後忙於工作，令雙方關係變得疏離，最終19年離婚收場。

趙式芝、楊如芯：7年

唐寧、鄧偉傑 結婚 7年

10年，唐寧與舞台劇工作者鄧偉傑結婚，先後在11及15年誕下一子一女。二人難敵七年之癢，於17年離婚。

唐寧、鄧偉傑：7年

陳法拉、薛世恒 結婚 6年

薛世恒和陳法拉07年傳出秘婚，當時二人一直避談，及後曾一齊出席活動，關係逐漸明朗，但於13年離婚。薛世恒今年在ViuTV節目《一切從失婚開始》透露，當年婚姻同法拉事業有衝突，所以二人保密結婚一事，最後由法拉提出離婚。

陳法拉、薛世恒：6年

劉愷威、楊冪 結婚 5年

劉愷威和楊冪11年因拍內地劇《如意》撻著，13年11月註冊結婚，14年誕下女兒「小糯米」。二人在女兒出生後繼續搏殺事業，長時間在內地拍劇，聚少離多，又先後爆出婚外情傳聞。兩人不時傳出婚變，最後於18年12月宣佈離婚。

劉愷威、楊冪：5年

吳建豪、石貞善 結婚 5年

吳建豪和新加坡「百億千金」石貞善在06年認識，拍拖7年分分合合，直至13年11月結婚。二人外型登對，但無論身家、家族背景及性格均不同，故不被看好，婚後1年兩夫妻已在IG隔空鬧交，隨即傳出婚變。兩人拖足4年都不作回應，於18年12月正式離婚。

吳建豪、石貞善：5年

東出昌大、渡邊杏 結婚 5年

東出昌大與渡邊杏13年合作劇集《多謝款待》相戀，15年結婚，育有3名子女。今年2月東出被爆偷食女星唐田英里佳3年，出軌時間更跟杏懷有細仔的時候吻合，好男人形象全毀，二人今年8月離婚。

東出昌大、渡邊杏：5年

鄭中基、蔡卓妍 結婚 4年

鄭中基和蔡卓妍（阿Sa）10年召開記者會，承認已婚的同時亦聲稱性格不合決定分手，同一日宣佈已婚和離婚。二人04年合作《追擊八月十五》結緣，曾多次默認情侶關係，06年於洛杉磯秘密結婚。

鄭中基、蔡卓妍：4年

黎明、樂基兒 結婚 4年

黎明與樂基兒08年於美國秘密結婚，二人年紀相差13年，性格又南轅北轍，最終4年後離婚。

黎明、樂基兒：4年

任家萱、張承中 結婚 4年

S.H.E成員任家萱（Selina）因為拍劇嚴重燒傷，她曾提出分手，但都無法動搖前夫張承中。二人於11年結婚，然而生活習慣有差異，加上張承中15年被拍到跟濃妝辣妹唱K，同年結束夫妻關係。

任家萱、張承中：4年

安宰賢、具惠善 結婚 4年

安宰賢與具惠善15年因為拍攝《Blood》結緣，於16年5月結婚。二人婚後曾一同拍攝綜藝《新婚日記》，甜蜜生活成熱門話題。去年8月傳出離婚消息，具惠善在IG多次公開指控安宰賢，安宰賢則發表聲明否認，雙方各執一詞。今年7月，雙方的代表律師調停後達成離婚協議，4年婚姻畫上句號。

安宰賢、具惠善：4年

Amanda S.、Christian Cappelli 結婚 3年

Amanda S.和Christian Cappelli於11年結婚，當時Amanda亦由模界轉戰做法式麵包店老闆娘。然而二人最後在14年離婚，結束接近3年的婚姻，有指是彼此生活習慣無法磨合，亦有指是Christian相當花心。

Amanda S.、Christian Cappelli：3年

竹內結子、中村獅童 結婚 3年

竹內結子05年與合演《藉著雨點說愛你》的拍檔中村獅童奉子成婚，同年誕下兒子。後來因為中村獅童酒駕，被發現女星岡本綾也在車上，意外踢爆中村偷食，最後二人於08年離婚。

竹內結子、中村獅童：3年

畢彼特、安祖蓮娜祖莉 結婚 2年

畢彼特與安祖蓮娜祖莉05年拍攝《史密夫決戰史密妻》戲假情真，14年結婚。二人領養3個子女，再生下3個子女。16年首次傳出婚變消息，但二人直到19年4月才正式辦妥離婚手續。

畢彼特、安祖蓮娜祖莉：2年

宋仲基、宋慧喬 結婚  1年8個月

「雙宋」於16年拍攝電視劇《太陽的後裔》戲假情真，17年10月結婚，成為一時佳話。然而宋仲基在19年7月發表聲明，親證二人正在辦理離婚手續，結束這段只維持了1年8個月的婚姻。

宋仲基、宋慧喬：1年8個月

梁靖琪、黃敏豪 結婚 1年多

梁靖琪與前夫黃敏豪相識不足一年，11年便結婚。有指離婚的導火線是拍攝劇集《衝上雲霄2》外景期間，梁靖琪與吳卓羲被拍到在酒店泳池嬉戲。婚姻只維持了1年多，二人在13年離婚。

梁靖琪、黃敏豪：1年多

鍾欣潼、賴弘國：1年2個月

鍾欣潼、賴弘國 結婚  1年2個月

18年，鍾欣潼（阿嬌）與拍拖4個月的賴弘國閃婚，雖然賴弘國收起愛玩個性，但據指阿嬌認為當初結婚的決定太倉促，而且二人價值觀出現很大落差，最後於今年3月離婚，婚姻只維持14個月。

歷代「獎老」Reunion ！

清談節目《MORAZ天然草本驅蚊靈呈獻：Mayanne小喇叭》由麥美恩（Mayanne）擔任主持，曾展望（GM）擔任助理主持，本周四及五晚10點半翡翠台播映最後兩集。

Super~~

由於蘭茜講嘢相對正經，即刻激發咗嘉樂嘅「口賤」神經。

「大師兄」原來係暗藏特別任務架。

林曉峰初初做第一輯時直認好驚獎門人。

林曉峰笑言首度與獎門人會面時，排場似足電影《無間道》韓琛食飯經典場口。

今晚（18日）一集，兼任《獎門人》現任獎老的Mayanne，邀得四位獎老界前輩林曉峰、錢嘉樂、蘭茜及阮兆祥（按加入年期順序）擔任嘉賓，大談參與《獎門人》拍攝的喜與樂。四人之中，雖然嘉樂被專稱「大師兄」，但原來第一代獎老竟是林曉峰（阿Lo）及陳小春，阿Lo大爆當年嘉樂之所以被「獎門人」曾志偉睇中接小春棒，全因「把口夠賤」；嘉樂憶述當年接到獎門人邀約電話時相當意外，並笑言全靠獎門人自己的口賤才能才得以跳出武師界。談到獎門人當年為何睇中阿Lo，原因竟和張國榮和一條鞋帶有關，阿Lo說：「嗰時拍《金枝玉葉》，有一場戲講張國榮先生上樓梯，我做助手跟住後面，當時佢唔知左腳定右腳甩咗鞋帶。拍完嗰場後我哋放Break，返到嚟個甩嘅鞋帶就調轉咗喺另一隻腳。當時導演嗌完Roll機後，我就嗌『咪住，好似唔連戲喎』，大家咪即刻睇番錄影帶：『係喎』。嗰日原來獎門人都喺現場，佢心諗原來呢條𡃁仔都幾上心，就搵佢嚟做嘢啦。」至於蘭茜擔任獎老的原因，則與玩獎門人遊戲時全情投入「刨西瓜」及「刨粟米」有關。祥仔則暢談當年如何與志偉、洪天明及鄧兆尊夾計，以各人的腳毛及腋窩毛整蠱遲入組的姚樂怡，最後遭樂怡喊打喊殺，十分搞笑。

估唔到一條鞋帶咁細微嘅嘢，都會畀阿Lo留意到，再畀志偉發現到阿Lo細心嘅一面，足證志偉係幾咁積極同樂意提攜後輩。

錢嘉樂透露未做《獎門人》之前，自己其實算是寡言的人。

蘭茜回想當年玩遊戲時係幾咁投入。

嘉樂大嘆遊戲節目幕後唔易做。

麥美恩都好記得當年姚樂怡係點樣被整蠱，仲大嘆「童年被污染」。

阿Lo仲搞笑大談自己如何成為「公司殺手」。

阿Lo同「大師兄」齊齊回味當年一起創作的「嘉賓名字歌」，仲扮番當年獎門人點把關。

阿Lo重演當年點樣馬拉松式開會開到靈魂出竅。

嘉樂講嘢時係咁向上望，當時阿Lo已懷疑獎門人會唔會已經喺現場。

四人還大談當年錄影《獎門人》的「宵夜度橋日常」，當年因為電視台大戰，《獎門人》最高峯一星期連播五晚，阿Lo大方分享了當年的度橋及上班流程日常：「下午三點返嚟開會，一路開到八點五十分。當年我哋就諗咗改歌詞唱啲嘉賓名出嚟，咁每日揸車就要度18隻歌，每個嘉賓要有3隻，返到去獎門人就會坐喺度問邊隻好笑。然後度度度度到食飯，其實係食唔落架喎。有時做到一點鐘左右收廠，但未完架，喺化妝間再開會，開到三點度，跟住就宵夜架喇，然後再搵地方。記得有一次打風，我哋搵到地方時已天光，成六點幾七點。」

阿Lo嘉樂鬥扮獎門人。

阿Lo嘉樂鬥扮獎門人。

獎門人踩場！

全集最驚喜部分，是當眾人輪流模仿獎門人時，頑皮的志偉即手持小喇叭走入廠送驚喜，令當時除掉雙鞋跪地扮緊志偉的嘉樂大嗌驚驚。志偉一到埗即扮作氣沖沖搞笑謂：「幾多人打電話畀我呀，問：『你仲唔落去？佢哋踩到你一文不值呀！』」之後眾人瘋狂互窒，混亂間曾展望竟大叫志偉「Daddy」，隨即惹起哄動，志偉反應極快接招謂：「出得街架咩？你話畀大家聽媽咪係邊個？！」並親解為何被專稱「阿爸」，志偉說：「阿爸負責畀錢（埋單）架嘛，咁咪叫阿爸咯。」蘭茜聞言即指志偉另一外號是「埋單俠」。另志偉又會親解《獎門人》換主題曲之謎，答案更相當有愛，並與小朋友有莫大關係，欲知詳情？密切留意節目。

獎門人嚟咗氣氛即時升溫。

曾展望叫Daddy，嚇到志偉即刻望錶，現場陷入一片喧鬧。