永遠懷念哥哥
今年環球唱片特地把張國榮（哥哥）於環球年代的經典名作，斥重金打造全新專輯《REVISIT》，第一首派台作《春夏秋冬A Balloon’s Journey》已於今年9月12日，哥哥64歲冥壽推出。歌曲除了是原曲《春夏秋冬》的改編外，新版更用上哥哥從未曝光的聲帶。
重新編曲，改頭換面，張國榮嘅《春夏秋冬A Balloon’s Journey》有得聽啦。
當年哥哥用《春夏秋冬》以四季唱出人生哲理，新版的歌曲卻唱出對人生的感恩及美滿。這次，特地找來哥哥合作無間的音樂製作班底梁榮駿、唐奕聰(Gary Tong)和C.Y. Kong拍攝一系列《REVISIT Leslie Interview》影片，談及大碟《REVISIT》的製作過程，其中一條影片《REVISIT Leslie Interview - 春夏秋冬A Balloon’s Journey》，為新歌重新編曲的Gary Tong，談到如何為哥哥經典名作改頭換面，他表示：「我會分成四個不同季節，每一個季節都會加入新的樂器元素。」Gary希望新編曲可給予樂迷一種全新感覺，「希望世界變得更優美，有種釋懷的感覺。」
陳潔靈大讚哥哥係個好有魅力嘅人。
陳潔靈好欣賞哥哥。
當年哥哥同陳潔靈超級老友。
問到曾與哥哥合唱經典名曲《誰令你心痴》及《只怕不再遇上》的陳潔靈對哥哥的印象，她憶述：「Leslie係我一位私下好好嘅朋友，當年我同佢都屬同一經理人陳淑芬。我以前常常去佢屋企玩，有一次佢錄完音返嚟，當時我同佢朋友都喺度，他會現場播新歌畀我聽問我意見。有時候佢完成演唱會，就會打電話畀我問佢表現，然後大家互相畀吓意見。哥哥係一個好有藝術嘅人，雖然佢已經離開了，但佢嘅音樂對我哋仍然有好大影響力。」提到新歌，她表示：「《春夏秋冬》除咗係Leslie嘅經典歌曲之外，亦係我偶像林振強嘅作品，我好記得一句歌詞『秋天該很好 你若尚在場』，當我重新聽一次呢首歌，我明白Leslie真係個好有魅力嘅人，他嘅演繹並唔喺唱歌，而係喺你耳邊輕聲地跟佢聊天說故事。」
