靚人靚景
今屆港姐選舉已完滿結束,一眾落選佳麗都好善用社交平台吸Fans,本屆最大年紀,何君堯侄仔女友,26歲擁碩士學歷的黃婉恩(Yancy)亦頻頻更新IG,最新有約埋同屆落選港姐,23歲的廖慧儀(Jessica)一齊行山。
靚過參選嗰陣的Yancy攬實Jessica影靚相,並留言,「第一次同廖慧儀行山,同新朋友一齊有唔少趣事發生,例如一齊唔記得重新搽過太陽油。」覺得自己已曬黑的Yancy表示自己不鍾意曬黑,所以未來一個月應該會留家「洗白」自己,她還問網友有無美白產品推介。
娛圈事
靚人靚景
今屆港姐選舉已完滿結束,一眾落選佳麗都好善用社交平台吸Fans,本屆最大年紀,何君堯侄仔女友,26歲擁碩士學歷的黃婉恩(Yancy)亦頻頻更新IG,最新有約埋同屆落選港姐,23歲的廖慧儀(Jessica)一齊行山。
靚過參選嗰陣的Yancy攬實Jessica影靚相,並留言,「第一次同廖慧儀行山,同新朋友一齊有唔少趣事發生,例如一齊唔記得重新搽過太陽油。」覺得自己已曬黑的Yancy表示自己不鍾意曬黑,所以未來一個月應該會留家「洗白」自己,她還問網友有無美白產品推介。
《關注關注組》今晚的主題是「散步關注組」。
由鄧梓峰、廖慧儀(Jessica)、黃嘉雯(Carmaney)、胡美貽(Nicole)、施焯日(Arthur)、蔡景行(行仔)及區竣陞主持的《關注關注組》今晚(3月12日)一集主題是「散步關注組」,以一個慢節奏欣賞城市魅力。
今晚Arthur跟行仔再次出動,目的地是已公布會重建的彩虹邨,該處一直是KOL打卡勝地。彩虹邨作為香港早期屋公屋之一素有「香港最美屋邨」稱號。二樓平台既有休憩設施,亦有不少老式經營的食肆、店鋪。就連全港不足10間的漫畫租借店,這裏都有一間。
Arthur接受訪問時表示,在舊式屋邨體驗到那份濃濃人情味,他說︰「去到漫畫店,睇到老細同啲客人好熟,好耐冇感 到呢份人同人之間咁近嘅距離。同行仔玩彈波波,好似去返幾歲放學同朋友仔去玩嘅感覺,而家淨係識去行街、睇戲。」他笑言尋回很多兒時玩意及食物。
Arthur與行仔還專誠在彩虹邨的士多,買了大量已買少見少;被稱為「口立濕」的涼果回錄影廠分享,包括︰蛋散、紅燒魚柳、山楂球、椰子糖、金桔棒、話梅、黃心梅、檸汁薑、龍鬚糖及肚臍餅。Jessica見到大堆不同種類的「口立濕」,兩眼放光聲言兒時回憶全部返來︰「細個好鍾意食黃心梅,好甜嘅外殼包住粒梅,細個嫌太甜唔敢食咁多。」而Nicole小時候少有接觸面前的食品,每一款都令她感到好新奇。
此外,Carmaney在節目中透露每日都會帶愛犬多士外出散步,她大讚蹓狗好處︰「行一個鐘就可以消耗300卡路里,又唔會好似跑步咁傷膝頭,跑到小腿、大腿粗晒。」她接受訪問時表示以往在黃埔居住時,會帶隻狗沿海邊行去尖沙嘴再折返屋企,她笑言放狗是一個散步的藉口。
Carmaney又透露早前在電話加裝了應用程式,可以借步行做善事︰「個App可以同朋友鬥多步數,仲有排名。同埋佢會記錄你嘅步數,儲夠一萬步就可以做善事。」她解釋用戶可以捐「步數」,App開發商會轉換成善款,捐去不同義工機構,既可做運動又可以做善事一舉兩得。