靚人靚景
今屆港姐選舉已完滿結束,一眾落選佳麗都好善用社交平台吸Fans,本屆最大年紀,何君堯侄仔女友,26歲擁碩士學歷的黃婉恩(Yancy)亦頻頻更新IG,最新有約埋同屆落選港姐,23歲的廖慧儀(Jessica)一齊行山。
靚過參選嗰陣的Yancy攬實Jessica影靚相,並留言,「第一次同廖慧儀行山,同新朋友一齊有唔少趣事發生,例如一齊唔記得重新搽過太陽油。」覺得自己已曬黑的Yancy表示自己不鍾意曬黑,所以未來一個月應該會留家「洗白」自己,她還問網友有無美白產品推介。
娛圈事
靚人靚景
今屆港姐選舉已完滿結束,一眾落選佳麗都好善用社交平台吸Fans,本屆最大年紀,何君堯侄仔女友,26歲擁碩士學歷的黃婉恩(Yancy)亦頻頻更新IG,最新有約埋同屆落選港姐,23歲的廖慧儀(Jessica)一齊行山。
靚過參選嗰陣的Yancy攬實Jessica影靚相,並留言,「第一次同廖慧儀行山,同新朋友一齊有唔少趣事發生,例如一齊唔記得重新搽過太陽油。」覺得自己已曬黑的Yancy表示自己不鍾意曬黑,所以未來一個月應該會留家「洗白」自己,她還問網友有無美白產品推介。
全新飲食節目《美食新聞報道》將於明晚(4月25日)在TVB Plus(82台)首播。
由黃婉曼、蔡雪瑩、陳嘉倩擔任主播,《美食新聞報道》本着「緊貼全球美食動向,深入分析餐廳局勢」,為觀眾帶來最新飲食情報與優惠,深入了解滋味背後的故事。從不同平台網羅超人氣食店的情報,4位「美女試食員」倪嘉雯(Carmen)、黃嘉雯(Carmaney)、廖慧儀(Jessica)及伍倩彤(Juliana)跳出錄影廠,由排隊、試食一腳踢,帶來最真實食評;推介最新的餐廳、超市行程及飲食健康資訊。單睇一班靚女已值回票價,加上豐富美食、抵買情報及螢幕互動的QR Code購物優惠,更是物超所值。
明晚(4月25日)首播,Carmaney會率先介紹一間位於太子的人氣車仔麵檔,每日賣出至少400碗麵。當中一款「阿Bob麵」,更是以藝人林盛斌(阿Bob)命名。Carmaney話該款麵賣相已夠吸引,碗面鋪滿厚厚芫茜,最合一班芫茜控。重口味湯底由鹵水汁、咖哩汁加清湯三合一而成,她說︰「因為阿Bob每次嚟都叫同一款麵,所以改咗佢嘅名,碗麵有6個餸︰蘿蔔、春卷、豬大腸、豬粉腸、紅腸、豬腩肉,每款都好入味。」原來視后佘詩曼都是該款麵的捧場客,還貼相在社交平台分享。
節目其中一環節「故事味緣」,解構餐廳背後連繫的故事。明晚登場是私房菜主廚、人稱「鬍鬚佬」的林國興,他打理的小店有「三猛」,分別是用料猛、火喉猛及背景猛。原來鬍鬚佬本來是江湖大佬,金盆洗手後投身飲食業。鬍鬚佬在節目中透露15歲在澳門一間酒店當學廚,誤入歧途後成為大佬,他說︰「結婚之後想屋企人安心,唔想自己每日凌晨先返屋企。」
鬍鬚佬的私房菜受識飲識食客人追捧,訂枱最快都要一個月,三款招牌菜︰爵士湯、棟篤雞、冰鎮咕嚕肉,試過的人讚不絕口。每晚特別環節;亦是最受食客期待的,就是鬍鬚佬煮完餸後,出來跟各人祝酒及合照,情況仿如歌星出場encore般受歡迎。
後晚(26日)除黃婉曼外,還有倪嘉雯(Carmen)、伍倩彤(Gillian)登場。Gillian推介一間鴨肉專門店,獨沽一味賣鴨。兩款主打「手撕無腰骨鴨肉黑醬油鴨肉撈粗」及「慢煮鴨肉飯」迷到萬千食客,令他們食過番尋味;而「故事味緣」主角阿湧,他大學畢業後毅然放棄本科,擔任家族酒家的大廚,每日為顧客出菜過百道。想知是愛還是熱誠,令他毅然走入「熱廚房」,密切留意後晚節目播映。